საქართველოს საავტომობილო გზების დეპარტამენტის ცნობით, სტეფანწმინდა-ლარსის მონაკვეთზე საავტომობილო მოძრაობა აღდგენილია.
31 ივლისს, ყაზბეგის მუნიციპალიტეტში მეწყერი მოხდა.
საქართველოს ინფრასტრუქტურის სამინისტროს საავტომობილო გზების დეპარტამენტის ცნობით, მცხეთა-სტეფანწმინდა-ლარსის საერთაშორისო მნიშვნელობის მონაკვეთზე საავტომობილო მოძრაობა აღდგენილია და დევდორაკი-ამალის ხეობაში საავტომობილო მოძრაობა შეუფერხებლად განხორციელდება.
შინაგან საქმეთა სამინისტროს ცნობით, მეწყრის შედეგად არავინ დაშავებულა.
საგანგებო სიტუაციების მართვის სამსახურის ცნობით, განგაშის შეტყობინება დევდორაკის მყინვარზე დამონტაჟებული ადრეული შეტყობინების სისტემიდან მიიღეს.
„საპატრულო პოლიცია, საბაჟო სამსახური, სასაზღვრო პოლიცია და დარიალის სასაზღვრო გამშვებ პუნქტზე მომუშავე კერძო კომპანიების ყველა თანამშრომელი უსაფრთხო ადგილას არიან ევაკუირებული“, – ნათქვამია განცხადებაში.
