ახალქალაქში ბოლო დროს გავრცელდა კოქსაკის ვირუსი, რომელიც უფრო ხშირი და მძიმე ფორმით ბავშვებში ვლინდება.
ახალქალაქში გავრცელებულ ვირუსებს შორის ყველაზე გავრცელებული კოქსაკის ვირუსია. ამის შესახებ ჩვენთან ინტერვიუში ექიმმა მარიანა ჰამბარძუმიანმა აღნიშნა. მან ვირუსის გავრცელებაზე, ინკუბაციურ პერიოდზე, ვირუსის გადაცემის გზებზე, სიმპტომებსა და სხვა დეტალებზე ისაუბრა.
„ფაქტობრივად, ამჟამად ენტეროვირუსული ინფექცია ძალიან ფართოდ არის გავრცელებული, რომელიც ჰაერწვეთოვანი გზით გადაეცემა. ზოგიერთი ენტეროვირუსი შეიძლება გადავიდეს სათამაშოების ან კოცნის შედეგად,“ — ამბობს ექიმი მარიანა.
ვირუსის საინკუბაციო პერიოდზე საუბრისას მან აღნიშნა:
„მას აქვს საინკუბაციო პერიოდი, რომელიც 3 დღიდან შესაძლოა 30 დღემდე გაგრძელდეს. ნიშნები ვლინდება 1-2 დღის შემდეგ და გასაკვირი ის არის, რომ შემთხვევათა თითქმის 80%-ში დაავადება უმეტესად უსიმპტომოდ მიმდინარეობს. ანუ, თუ გამონაყარი არ არის, და თუ მშობლები ყურადღებას არ მიაქცევენ გამონაყარს, მაშინ ეს ვირუსი ისე გაივლის.“
სპეციალისტის თქმით, ინფიცირებულთა დაახლოებით 12-13%-ს დაავადების მსუბუქი ფორმა აქვს, ხოლო 2%-ს – მძიმე.
როგორც ექიმმა აღნიშნა, ზოგჯერ კოქსაკის ვირუსს სხვა, საინტერესო სახელითაც მოიხსენიებენ – ეს არის დაავადება პირის ღრუს, ხელებისა და ფეხების. გამონაყარი ჩნდება პირის ღრუში, ფეხებზე, ქუსლებზე და მუხლებზე, ასევე ხელისგულებზე. ვირუსის მიმდინარეობისას ინფიცირებულს შესაძლოა ჰქონდეს სიცხე, შესაძლოა – არა.
ეს ვირუსულ ინფექციად ითვლება. ვირუსის ინკუბაციური პერიოდის განმავლობაში, ნებისმიერი ადამიანი, ვინც ინფიცირებულ ადამიანთან კონტაქტში იმყოფებოდა, შეიძლება დაავადდეს, მაგრამ პაციენტი 10 დღის შემდეგ გადამდები აღარ არის.
კითხვაზე, თუ რით არის განპირობებული ვირუსის ასეთი ფართო გავრცელება ამჟამად, ექიმმა უპასუხა:
„ზამთარში ის სხვა დაავადებებთან – ანგინასთან, ბრონქიტთან, პნევმონიასთან ერთად გვხვდება და ნაკლებად შეიმჩნევა, კონკრეტულად არ ამბობენ, რომ ენტეროვირუსიც მასთან ერთად არის. ახლა ბრონქიტი და პნევმონია უფრო შემსუბუქებულია, ამიტომაც მხოლოდ მისი „სახელია“ შემოტანილი.“
ზაფხულში ბავშვები ბევრ სხვადასხვა ხილსა და ბოსტნეულს მიირთმევენ, ხშირად გარეცხვის გარეშე, რამაც შეიძლება ვირუსით დაინფიცირება გამოიწვიოს.
„მე ყოველთვის ვურჩევ დედებს, მიირთვან ახალი, ადგილობრივი ხილი. ახლა, სამწუხაროდ, ისინი სხვადასხვა ადგილიდან მოაქვთ, ვაქცინირებულები, წამლებით დამუშავებულები. ბავშვები იწყებენ მათ ჭამას ხილის გარეცხვის გარეშე, ყველა ხილის ერთმანეთში არევის შედეგად, რამაც შეიძლება გამოიწვიოს ენტეროვირუსით დაავადებით“.
კითხვაზე, რამდენად საშიშია ვირუსის სახლის პირობებში მკურნალობა, სპეციალისტმა უპასუხა:
„კოქსაკის ვირუსი, თუ მისი მსუბუქი ფორმაა, როგორც უკვე აღვნიშნე, შემთხვევების 80%-ში მსუბუქი ფორმით მიმდინარეობს და მას საერთოდ არ აქვს მკურნალობა. საშუალო ფორმის შემთხვევაში, შესაძლებელია მხოლოდ ანტივირუსული პრეპარატების გამოყენება, მეტი არაფერი. კოქსაკის ვირუსის დროს არის გამონაყარი, მაგრამ ქავილი არ არის, ამ შემთხვევაში არ შეიძლება ანტიჰისტამინური საშუალებების მიცემაც კი, რადგან ბავშვს ქავილი არ აქვს.“
ექიმის თქმით, ის მშობლები, რომლებიც ინტერნეტის საშუალებით ცდილობენ თვითმკურნალობას, ამით კიდევ უფრო ართულებენ სიტუაციას, შემდეგ კი გართულებული ფორმით მიდიან საავადმყოფოში. ექიმი მარიანა ჰამბარძუმიანი მოუწოდებს: თუ ბავშვი ხშირად დადის ტუალეტში, აქვს გულისრევა, არ არის საჭირო სახლში მკურნალობის დაწყება, არამედ აუცილებელია ბავშვის საავადმყოფოში გადაყვანა. სპეციალისტის თქმით, შესაძლოა ბავშვი ერთი გადასხმით განიკურნოს და წამლებიც კი არ დასჭირდეს.
საინტერესოა, რომ კოქსაკის ვირუსი გვხვდება როგორც ბავშვებში, ასევე მოზრდილებში, იმ განსხვავებით, რომ მოზრდილებში მას შეიძლება თან ახლდეს სიმპტომების გარეშე.
სპეციალისტთან საუბარში სხვა ინფექციებსაც შევეხეთ, თუმცა, როგორც ექიმმა აღნიშნა, ამჟამად ყველაზე გავრცელებული ენტეროვირუსია, ჩუტყვავილით ინფიცირებული ბევრი ადამიანი არ არის, დაახლოებით 2%, ხოლო წითელა, რომელიც გარკვეული დროის წინ ძალიან გავრცელებული იყო, ახლა თითქმის აღარ არსებობს.
ფენია თოროსიან
