2025 წელს აშშ-მ საქართველოს 77 მილიონი დოლარის ფინანსური დახმარება გაუწია. ამ ფინანსური დახმარების 99.9% USAID-ის პროგრამების მეშვეობით იქნა მისცა.
კერძოდ, წელს გაწეული ფინანსური დახმარების უდიდესი ნაწილი, 76.96 მილიონი დოლარი, USAID-მა განახორციელა. დარჩენილი 31.51 ათასი დოლარი სახელმწიფო დეპარტამენტმა განახორციელა.
ვებგვერდმა Foreignassistance, რომელიც აშშ-ის ოფიციალურ დახმარებას აკონტროლებს, მონაცემები 2025 წლის 13 ივნისს განაახლა.
იმავე მონაცემების თანახმად, 2025 წლის სულ რაღაც ხუთნახევარ თვეში აშშ-ის ფინანსური დახმარებით სულ 64 აქტივობა განხორციელდა, რომელთა უმეტესობა საქართველოს ეკონომიკური განვითარებისთვის იყო განკუთვნილი.
თანხები სექტორების მიხედვით შემდეგნაირად ნაწილდება:
ეკონომიკური განვითარება- 39.94 მილიონი აშშ დოლარი
დემოკრატიის, ადამიანის უფლებებისა და მმართველობის მხარდაჭერა- 29.9 მილიონი აშშ დოლარი
პროგრამული მხარდაჭერა- 4.24 მილიონი აშშ დოლარი
განათლება და სოციალური მომსახურება- 2.588 მილიონი აშშ დოლარი
მშვიდობა და უსაფრთხოება- 325,000 აშშ დოლარი.
ასევე აღსანიშნავია, რომ ბოლო 10 წლის განმავლობაში (2016–2025) მხოლოდ აშშ-ის საერთაშორისო განვითარების სააგენტომ (USAID) საქართველოს სხვადასხვა პროექტისთვის სულ 680,25 მილიონი აშშ დოლარის ფინანსური დახმარება გამოყო.
შეგახსენებთ, რომ აშშ-ის სახელმწიფო მდივანმა მარკო რუბიომ განაცხადა, რომ USAID-ის საგარეო დახმარების პროგრამები 1 ივლისიდან ოფიციალურად შეჩერებულია და სახელმწიფო დეპარტამენტს გადაეცა.
მისი თქმით, „სახელმწიფო დეპარტამენტი გააგრძელებს დახმარების პროგრამებს, რომლებიც შეესაბამება ადმინისტრაციის პოლიტიკას და წინ წაწევს ამერიკის ინტერესებს“.
USAID 1961 წელს შეიქმნა. მიმდინარე წლისთვის მისი საგარეო დახმარების მთლიანი ბიუჯეტი 42.8 მილიარდი დოლარი უნდა ყოფილიყო. იანვარში აშშ-ის პრეზიდენტმა დონალდ ტრამპმა ხარჯების შემცირების პოლიტიკის ფარგლებში სააგენტოს საგარეო დახმარება 90 დღით გაყინა და USAID-ის მართვა აშშ-ის სახელმწიფო დეპარტამენტს გადასცა.
