---

საქართველოში ავტომობილების იმპორტი 2.6%-ით შემცირდა. სტატისტიკის ეროვნული სამსახურის მონაცემების მიხედვით, 2025 წლის იანვარ-მაისში ქვეყანაში შემოვიდა 76 017 მსუბუქი ავტომობილი (ჯამური ღირებულება 1.290 მილიარდი დოლარის). ეს კი მაშინ, როცა 2024 წლის იმავე პერიოდში იმპორტირებული იყო 78 063 ავტომობილი, რომლის ჯამური ღირებულებაც 1.178 მილიარდ დოლარს შეადგენდა.

მონაცემები აჩვენებს, რომ საქართველოსი ერთი ავტომობილის იმპორტი 13%-ით გაუძვირდა. კერძოდ, შარშან ერთი ავტომობილის საშუალო საიმპორტო ფასი გადასახადების გარეშე 15 088 დოლარი ჯდებოდა, წელს კი ღირებულება 17 085 დოლარამდეა გაზრდილი. (შენიშვნა: ფასები ბრენდისა და გამოშვების წლის მიხედვით შესაძლოა, ბევრი მეტი ან ნაკლები იყოს).

მიუხედავად 5 თვის ჭრილში წლიური საიმპორტო ფასის მატებისა, 2025 წლის თვეების მიხედვით ანალიზი აჩვენებს, რომ მიმდინარე წლის მაისში, წინა თვეებთან შედარებით, ავტომობილების იმპორტო გაიაფდა ან შედარებით იაფი ავტომობილების იმპორტი განხორციელდა.

უფრო კონკრეტულად, 2025 წლის იანვარ-მაისში საშუალო საიმპორტო ფასი ასეთი იყო:

• მარტი – 17 867 აშშ დოლარი;
• აპრილი – 16 139 აშშ დოლარი;
• მაისი – 14 694 აშშ დოლარი.

ეს კი მაშინ, როცა 2024 წლის იანვარ-მაისი ავტომობილების საშუალო საიმპორტო ფასი ასე განისაზღვრებოდა:

 

• იანვარი – 16 511 აშშ დოლარი;
• თებერვალი – 14 054 აშშ დოლარი;
• მარტი – 14 164 აშშ დოლარი;
• აპრილი – 15 532 აშშ დოლარი;
• მაისი – 15 342 აშშ დოლარი.

აღსანიშნავია ისიც, რომ 2025 წლის იანვარ-მაისში ყველაზე მეტი რაოდენობის ავტომობილები აშშ-დან შემოვიდა. უფრო კონკრეტულად, ამერიკიდან იმპორტირებულია 59 629 მსუბუქი ავტომობილი, რომლის ჯამურმა ღირებულებამაც 730 037 დოლარი შეადგინა.

იმ ქვეყნების ხუთეული, საიდანაც 2025 წლის პირველ ხუთ თვეში ყველაზე მეტი რაოდენობის ავტომობილი შემოვიდა, ასე გამოყურება:

• აშშ – 59 629 ერთეული (730 037 აშშ დოლარის);
• იაპონია – 6 638 ერთეული (145 220 აშშ დოლარის);
• კორეა – 1 024 ერთეული (12 163 აშშ დოლარის);
• ჩინეთი – 1 653 ერთეული (16 084 აშშ დოლარის);
• თურქეთი – 1 062 ერთეული 50 042 აშშ დოლარის.