მიუხედავად სირთულეებისა, ჯავახელი ახალგაზრდები არ კარგავენ ამბიციას და აგრძელებენ დიდი წარმატების მიღწევას. ორმა ახალგაზრდამ, არშაკ აბაჯიანმა და რაფიკ პაპოიანმა, შრომისმოყვარეობის შედეგად, შეძლეს განათლების გაგრძელება ამერიკაში.
არშაკ აბაჯიანი 21 წლისაა, დაიბადა და გაიზარდა ახალქალაქის რაიონის სოფელ ვარევანში. 2022 წელს სკოლის დამთავრების შემდეგ, მან ჩააბარა თბილისის სახელმწიფო უნივერსიტეტის კომპიუტერული მეცნიერებების ფაკულტეტზე.
უნივერსიტეტის პირველ წლებში ის დიდი მონდომებით სწავლობდა ინგლისურს, რის შედეგადაც, ისარგებლა შესაძლებლობით და კიდევ ერთ ახალ უნივერსიტეტში ისწავლა.
„ორი წლის სწავლის შემდეგ, ინგლისური ენის ცოდნის, მაღალი აკადემიური მოსწრებისა და არაერთი გამოცდის ჩაბარების წყალობით, მომეცა შესაძლებლობა გადავსულიყავი San Diego State University-ში (სან დიეგოს სახელმწიფო უნივერსიტეტი) – კვლავ სწავლის სრული დაფინანსებით. ამჟამად ერთდროულად ვსწავლობ ორ უნივერსიტეტში. კურსით-ექვივალენტი როგორც მეორე კურსელი. ვათავსებ სწავლას და მიზნად მაქვს დავამთავრო და მივიღო ორი ბაკალავრის ხარისხი“, — ყვება არშაკი.
სირთულეებზე საუბრისას ის ხაზს უსვამს, რომ სირთულეები მისთვის წლების წინ, ჯერ კიდევ ახალგაზრდა ასაკში დაიწყო. ისინი საგანმანათლებლო რესურსების ნაკლებობას, ენობრივი გარემოს შეზღუდვებსა და სოფლის თემის ნორმებს უკავშირდებოდა.
„ჩემთვის ყველა სირთულე განვითარების შესაძლებლობაა“, – ამბობს არშაკ და აგრძელებს საუბარს განვლილ გზაზე.
„მაგალითად, თავიდან ინგლისური დიდი გამოწვევა იყო. სოფელში არ არსებობდა სასაუბრო გარემო, სპეციალისტები ან პრაქტიკა. თუმცა, ვიპოვე ონლაინ პლატფორმები და დამოუკიდებლად ვმუშაობდი. ბოლო 8 თვის განმავლობაში სხვადასხვა სპეციალისტთან ვმუშაობდი, რომელთა დახმარებით არა მხოლოდ ეს დაბრკოლება დავძლიე, არამედ მივიღე ინგლისური ენის სერტიფიკატი სპეციალისტის სტატუსით, IELTS 7 ქულით (C1 დონე)“, – გვიყვება არშაკ აბაჯიანი.
წარმატებებზე საუბრისას, ეს უკანასკნელი არა მხოლოდ უნივერსიტეტის განათლებას, არამედ სკოლის წლებში შეძენილ ცოდნასა და უნარებსაც ახსენებს. მან დიდ წარმატებებს მიაღწია ჭადრაკში, კრივსა და ინგლისურ ენაში. ხაზს უსვამს, რომ ჭადრაკმა მასში ანალიტიკური აზროვნება ჩამოაყალიბა და ასწავლა, რომ ყველაზე რთული სიტუაციიდანაც კი შეიძლება გამოსავლის პოვნა, თუ არსებობს მკაფიო გაგება და ზუსტი გაანგარიშება.
„ჭადრაკი ჩემთვის მხოლოდ თამაში არ იყო. ერთი ნაბიჯით წინ ფიქრი, რისკის შეფასება და გააზრებული მოქმედება. მან მასწავლა სტრატეგია არა მხოლოდ დაფაზე, არამედ ცხოვრებაშიც, სწორი დროის არჩევა, გრძელვადიანი პერსპექტივის ჩამოყალიბება და მიზნების მეთოდურად და შეუპოვრობით მიღწევა“, – ამბობს არშაკ.
წარმატებებზე საუბრისას აღნიშნავს:
„ჩემს ყველაზე დიდ წარმატებად ის მიმაჩნია, რომ მე და ჩემი მეგობარი ჯავახეთიდან პირველი სომეხი სტუდენტები გავხდით, ვინც სან დიეგოს სახელმწიფო უნივერსიტეტში ჩააბარეს. ამ გზამ კარი გაგვიხსნა არა მხოლოდ ჩვენთვის, არამედ მომავალი სტუდენტებისთვისაც“.
არსებობს თუ არა რაიმე შიში ამერიკაში ცხოვრებისა და სწავლის მიმართ? არშაკი პასუხობს, რომ არა, რადგან ის ამას აღიქვამს არა როგორც გამოცდას, არამედ როგორც ახალ შესაძლებლობას, გაიცნოს და შეისწავლოს ახალი ქვეყანა, ახალი კულტურა და ახალი ადამიანები.
„ჩემი მიზანი იმდენად ნათელია, რომ შიშისთვის ადგილი აღარ აქვს. ამერიკაში სასწავლებლად გადასვლა ჩემთვის შესანიშნავი გზაა მდგრადი და შეგნებული ზრდისკენ და ამ შესაძლებლობას მეოთხე კურსზე გამოვიყენებ“, – გვარწმუნებს ჩვენი გმირი.
არშაკს მკაფიოდ განსაზღვრული მიზნები აქვს. გარდა იმისა, რომ მას სურს პროფესიულ სფეროში სიმაღლეების მიღწევა, როგორც სწავლაში, ასევე პროფესიულ კარიერაში, მას ასევე სურს დაასრულოს თავისი ახალი წიგნი „ყველაფერი შენით დაიწყო“.
კიდევ ერთი ახალგაზრდა, რომელმაც ასევე გადალახა მრავალი სირთულე და წინ წავიდა, არის რაფიკ პაპოიანი. ის 21 წლისაა, ნინოწმინდის რაიონის სოფელ ორლოვკას მცხოვრებელი. სწავლობდა სოფლის სკოლაში, რომელიც 2022 წელს ოქროს მედლით დაამთავრა. ამჟამად სწავლობსამერიკის სან დიეგოს უნივერსიტეტში, პროგრამირების სპეციალობით და სექტემბერში მესამე კურსზე იქნება. რაფიკი ამ უნივერსიტეტში თბილისის სახელმწიფო უნივერსიტეტიდან გადავიდა. მისთვის უმაღლესი განათლების მიღება ყოველთვის პრიორიტეტული იყო.
„სკოლის ბოლო წლებში მხოლოდ უნივერსიტეტში ჩაბარებისთვის ვმუშაობდი, ვსწავლობდი, რომ ეროვნული გამოცდები კარგად ჩამებარებინა და ივანე ჯავახიშვილის სახელობის თბილისის სახელმწიფო უნივერსიტეტში მაღალი ქულებით ჩამერიცხა“, – ამბობს რაფიკი.
ბევრი სტუდენტისგან განსხვავებით, რაფიკს ქართული ენა სკოლის დროიდანვე ჰქონდა დაუფლებული. პირველ კურსზე გადასვლის შემდეგ მან სპეციალობა აირჩია და ყოველდღიურად დაიწყო მუშაობა, რათა დაეუფლა და გაეღრმავებინა არჩეული სპეციალობა. მოგვიანებით, მაღალი ნიშნების მიღების შემდეგ, მან მიიღო შეთავაზება, სწავლა გაეგრძელებინა ზემოხსენებულ უნივერსიტეტში.
„სწავლის დროს მივიღე შეთავაზება, რომ სწავლა გამეგრძელებინა ამერიკულ უნივერსიტეტში, იმავე სპეციალობაზე. სწავლება ინგლისურ ენაზე მიმდინარეობს და იგივე სტანდარტებია, რაც სან დიეგოს ამერიკულ უნივერსიტეტში, მაგრამ ყველა ეს სირთულე გვერდზე გადავდე და რისკზე წავედი, მივიღე შეთავაზება, ჩავაბარე გამოცდები და ჩავირიჩხე. ჩავაბარე ინგლისური ენის ცოდნის დამადასტურებელი სერტიფიკატის ტესტი (დუოლინგო), რომლის გარეშეც სწავლის გაგრძელება არ შემეძლო“, – იხსენებს რაფიკ პაპოიანი.
ის ამბობს, რომ ახალგაზრდობიდანვე ოცნებობდა ამერიკაში სწავლასა და უნივერსიტეტში სტუდენტობაზე. სკოლის დროიდანვე დგამდა ნაბიჯებს ამ ოცნების ასასრულებლად. მონაწილეობდა Flex პროგრამაში, მაგრამ მხოლოდ მეორე საფეხურს მიაღწია. ამერიკაში სწავლასთან დაკავშირებული შიშების შესახებ ის ამბობს: „ცხოვრების ახალ ეტაპზე შესვლისას, ბუნებრივია, შიშები მაქვს, მაგრამ ამერიკაში სწავლა უფრო მეტ მოტივაციას მაძლევს“.
რაფიკის ერთ-ერთი ოცნებაა სწავლა ევროპის რომელიმე უნივერსიტეტში. სწავლასთან დაკავშირებული მიზნების მიუხედავად, ის არ აპირებს სამსახურის უგულებელყოფას. მას სურს შეუთავსოს მუშაობა და სწავლა, რათა მიღებული ცოდნა პრაქტიკაში გამოიყენოს.
განათლების სფეროში მიღწეული წარმატებების გარდა, რაფიკს სპორტშიც აქვს გამარჯვებები. მან კარატეში მრავალი მედალი მოიპოვა, ასევე 16 წლის ასაკში საერთაშორისო ჩემპიონატის გამარჯვებული გახდა. წარმატებებს მიაღწია MMA-ის სპორტის სახეობაშიც.
არშაკი და რაფიკი შესანიშნავი მაგალითები არიან ახალგაზრდებისთვის. მრავალი სირთულის გადალახვის მიუხედავად, ისინი არ შეშინებულან მიზნებისგან, პირიქით – ბოლომდე იბრძოდნენ და მეტის მიღწევისკენ მიისწრაფოდნენ.
მათი რჩევა ახალგაზრდებისთვის ასეთია:
„ჩემი რჩევა ახლადჩარიცხული სტუდენტებისთვის არის, აირჩიონ უფრო რთული გზა და ეცადონ, ამ გზით უფრო მომწიფდნენ და მეტს ისწავლიან. ეს 4-5 წელი, რომელიც მოგვეცა, ყველაზე დიდ კვალს დატოვებს ჩვენს მომავალ ცხოვრებაზე, გამოიყენეთ ეს დრო გონივრულად. არ დანებდეთ არცერთ სირთულეს, რადგან სირთულეები გვაძლიერებს“, – ამბობს რაფიკი, რომელიც მოზარდობიდანვე ისახავდა მიზნებს და იბრძოდა მათ მისაღწევად.
არშაკ აბაჯიანი კი, რომელმაც სწავლაში უკვე ბევრს მიაღწია, გვირჩევს:
„ყველაზე დიდი რჩევაა: ნუ შეიზღუდავთ საკუთარ თავს. თქვენ შეგიძლიათ გააკეთოთ იმაზე მეტი, ვიდრე ფიქრობთ. შრომა და თანმიმდევრულობა ბევრ შემთხვევაში უფრო დიდ შედეგს იძლევა, ვიდრე უბრალოდ ნიჭი. ისწავლეთ ენები, განავითარეთ დამოუკიდებლად აზროვნების უნარი და რაც მთავარია, არასოდეს დანებდეთ და ენდეთ საკუთარ თავს“.
ფენია თოროსიან
