სოფელ ბუღაშენში 2013-2015 წლებში აშენებული ახალი სკოლის შენობის ათწლეული აღნიშნეს.
2015 წელს სკოლის გახსნას საქართველოს მაშინდელი განათლების მინისტრი თამარ სანიკიძე ესწრებოდა.
მოსწავლეებმა და მასწავლებლებმა სიხარულით აღნიშნეს ეს დღე, იცეკვეს ხალხური ცეკვები, წაიკითხეს ლექსები და იმღერეს.
ღონისძიებას ესწრებოდნენ ადგილობრივი ხელისუფლების წარმომადგენლები: ახალქალაქის მუნიციპალიტეტის საკრებულოს თავმჯდომარე ნაირი ირიციანი, დეპუტატები, ახალქალაქის მერი მკრტიჩ მღდესიანი და მერიის სხვა თანამშრომლები. ზეიმს ასევე ესწრებოდა ახალქალაქის საგანმანათლებლო რესურს-ცენტრის დირექტორი თერეზა ჩივჩიანი.
ბუღაშენის სკოლის დირექტორმა, თადევოს ფალიანმა, მისალოცი სიტყვით გამოვიდა და სკოლის წარსული გაიხსენა. მან ხაზი გაუსვა მასწავლებლებისა და მედიის მნიშვნელოვან როლს ბავშვების აღზრდაში.
„თუ ტელევიზია, გაზეთები, რადიო და მასწავლებლები გაჩუმდებიან, ჩვენ და ჩვენი შვილები, დინოზავრების ეპოქაში დავბრუნდებით“, — თქვა მან.
სკოლამ მადლობა გადაუხადა როგორც სახელმწიფოს ახალი შენობისთვის, ისე ქველმოქმედებს – ჰაკობ ჰაკობიანსა და გარიკ ავაგიანს, რომლებიც მაღალი აკადემიუჯრი მოსწრებისთვის საჩუქრებით აჯილდოებენ მოსწავლეებს.
ღონისძიებას ესწრებოდა და მისასალმებელი სიტყვით გამოვიდა ერთ-ერთი ქველმოქმედი, ჰაკობ ჰაკობიანი.
სკოლას იუბილე მიულოცა საკრებულოს დეპუტატმა, ჰამლეტ მოვსესიანმა. სიტყვით გამოვიდა ახალქალაქის საგანმანათლებლო რესურს-ცენტრის დირექტორი თერეზა ჩივჩიანი.
ამჟამად ამ სკოლაში სწავლობს 90 მოსწავლე- სოფელ ბუღაშენიდან და მეზობელი სოფელ ბალხოდან.
შეგახსენებთ, რომ სოფელ ბუღაშენის „ახალი“ სკოლა 2015 წლიდან ფუნქციონირებს. მანამდე ბავშვები 1959 წელს აშენებულ ძველ სკოლაში დადიოდნენ, რომელიც საბჭოთა კავშირის დაშლის შემდეგ კაპიტალურად არ გარემონტებულა. ათი წლის განმავლობაში სოფლის მცხოვრებლები შიშით უშვებდნენ შვილებს ამ შენობაში.
სოფლის ცენტრში მდებარე ძველი სკოლა დღემდე ავარიულ მდგომარეობაშია. ადგილობრივი მოსახლეობის მრავალწლიანი ძალისხმევის შემდეგ, მთავრობამ საბოლოოდ მიაქცია ყურადღება სოფლის ერთ-ერთ ყველაზე მწვავე და სიცოცხლისთვის საშიშ პრობლემას. დაპირებული იყო, რომ ბუღაშენში ახალი, სტანდარტული სკოლა 2013 წლისთვის აშენდებოდა. თუმცა, მისი მშენებლობა ფაქტობრივად მხოლოდ 2015 წლის მარტში დასრულდა.
სკოლის გახსნისას უკვე შესამჩნევი იყო ხარვეზები, რომლებიც Jnews-ის კამერამ დააფიქსირა. სოფელ ბუღაშენში ახალი სკოლის აშენებიდან 10 წელი გავიდა. როგორც ბავშვებმა აღიარეს, „სკოლა ჯერ კიდევ დგას“, მოსწავლეების ცელქობისა და სამშენებლო ხარვეზების მიუხედავად.
