საქართველომ სახელმწიფოებრივი დამოუკიდებლობა 1918 წლის 26 მაისს გამოაცხადა.
საქართველოს თავდაცვის დეპარტამენტის ცნობით, დამოუკიდებლობის დღის აღნიშვნის ფარგლებში, დღეს, ადგილობრივი დროით 11:00 საათზე, წვევამდელებმა საზეიმო ვითარებაში სამხედრო ფიცი დადეს.
თბილისის თავისუფლების მოედნის გარდა, სამხედრო ფიცის დადების ცერემონია ქვეყნის ხუთ ისტორიულ ადგილას გაიმართა.
„26 მაისს, ტრადიციის თანახმად, მოსახლეობას 21 ქალაქსა და მუნიციპალიტეტში სამხედრო ტექნიკის, იარაღისა და აღჭურვილობის დათვალიერების შესაძლებლობა მიეცემა. გამოფენები იმართება თბილისში, გორში, ახალციხეში, მცხეთაში, რუსთში, ქუთაისში, ზუგდიდში, ოზურგეთში, ფოთში, ხონში, ამბროლაურში, ბათუმში, თელავში, ახალქალაქში, მარნეულში, სენაკში, სამტრედიაში, ბაღდათში, ჩხოროწყუში, აბაშასა და მარტვილში.
ფიცის დადების ცერემონიისა და სადღესასწაულო ღონისძიებების შემდეგ, თავისუფლების მოედნის თავზე საჰაერო თავდაცვისა და ავიაციის სარდლობის თვითმფრინავები იფრენენ“, – ნათქვამია თავდაცვის სამინისტროს განცხადებაში.
