დღეს, 24 მაისს, ახალქალაქის ჰოვანეს თუმანიანის სახელობის №1 საჯარო სკოლაში, კურსდამთავრებულებმა სკოლას დაემშვიდობნენ. სკოლა 2-მა კლასმა, ჯამში 35 მოსწავლემ დაამთავრა.
35 კურსდამთავრებულიდან სამი მედალოსანია. ასევე, წელს სკოლა დაამთავრა ახალქალაქელმა ახალგაზრდა სპორტსმენმა, ევროპისა და მსოფლიო ჩემპიონმა- სარკის ტონაკანიანმა.
სკოლის დირექტორმა რუზანა თეფოიანმა მიულოცა კურსდამთავრებულებს და წარმატებები უსურვა:
„იყავით ცხოვრებაში მამაცი, ნუ განაწყენდებით და ნუ გატყდებით. ყოველთვის წინ იყურეთ და იარეთ წინ. იყავით კეთილი, თანამგრძნობი, მეგობრული. არასოდეს დაგავიწყდეთ, რომელ ერს წარმოადგენთ, სად არის თქვენი ფესვები, რა პასუხისმგებლობა გაკისრიათ მხრებზე. არ დაგავიწყდეთ, რომელი ქვეყნის მოქალაქე ხართ და რა პასუხისმგებლობა გაკისრიათ მის მიმართ. ეროვნება და სახელმწიფო – ეს ორი კონცეფცია თან გაგყვებათ. ღმერთმა დალოცოს თქვენი გზა“, – თქვა სკოლის დირექტორმა რუზანა თეფოიანმა.
საზეიმო ღონისძიებისთვის კურსდამთავრებულები საფუძვლიანად და ზედმიწევნით მოემზადნენ: კითხულობდნენ ლექსებს, მღეროდნენ სიმღერებს, წარმოთქვეს მადლიერების სიტყვები, ცეკვავდნენ ქართულ და სომხურ ხალხურ ცეკვებს და სხვა მრავალს. ღონისძიება დასრულდა უკანასკნელი ვალსითა, ქუდებისა და ბუშტების ცაში გაშვებით.
კურსდამთავრებულებს წინ ახალი ჰორიზონტები ელით: გამოცდები, უმაღლეს სასწავლებელში ჩაბარება,ახალ ცხოვრებაში პირველი ნაბიჯები. მაგრამ დღევანდელი დღე მათ დაამახსოვრდებათ, როგორც ბავშვობასთან დამშვიდობება და წიგნის ახალი თავის დასაწყისი.
