დღეს, 18 მაისს, მსოფლიო ეროვნული კოსტუმის დღესთან დაკავშირებით, ახალქალაქის მუნიციპალიტეტის საცეკვაო ანსამბლებმა ახალქალაქის ცენტრალურ პარკ „ხას ბახჩაში“ ტარაზის (ეროვნული კოსტუმის)ადმი მიძღვნილი კონცერტი გამართეს.
ახალქალაქში ეროვნული ტარაზის დღე 2017 წლიდან აღინიშნება.
ფესტივალის ინიციატორები არიან ახალქალაქის კულტურის სახლის დირექტორი, ალიკ ქსპოიანი და ანსამბლ „მურჯის“ ქორეოგრაფი, გიორგი მეტრეველი.
დღევანდელ კონცერტში მონაწილეობა მიიღო ახალქალაქისა და მუნიციპალიტეტის სოფლების შვიდმა ანსამბლმა. მათ შორის იყო ანსამბლები „ჯავახკი“ და „მურჯი“, სოფელ ხანდოს, ვარევანისა და ვაჩიანის საცეკვაო ანსამბლები, ახალქალაქის ახალგაზრდული ცენტრის ანსამბლი „ჰაიკი“, ასევე არქიეპისკოპოს კარაპეტ ბაგრატუნის სახელობის საგანმანათლებლო, კულტურულ და ახალგაზრდულ ცენტრთან არსებული საცეკვაო კოლექტივი „ზართონქი“.
