საქართველოს პრეზიდენტი მიხეილ ყაველაშვილი 28-29 აპრილს ოფიციალური ვიზიტით იმყოფებოდა სომხეთში. მხარეებმა განიხილეს ორმხრივი თანამშრომლობის დღის წესრიგის საკითხები.
ოფიციალური ვიზიტის ფარგლებში, საქართველოს პრეზიდენტის ხელმძღვანელობით დელეგაციას სომხეთის პრემიერ-მინისტრმა ნიკოლ ფაშინიანმა უმასპინძლა. პრემიერ-მინისტრმა ყაველაშვილს საქართველოს პრეზიდენტად არჩევა მიულოცა და ამ საპასუხისმგებლო მისიაში წარმატება უსურვა. ფაშინიანმა აღნიშნა, რომ სომხურ-ქართული ურთიერთობები დღეს სტრატეგიული პარტნიორობის დონეს მიაღწია, რაც ორი ქვეყნის გრძელვადიანი განზრახვების გამოხატულებაა. მან ხაზი გაუსვა, რომ სომხეთსა და საქართველოს საერთო ინტერესები აქვთ, რომლებიც ასევე თავსდება სამხრეთ კავკასიის ხანგრძლივი განვითარების კონტექსტში.
თავის მხრივ, საქართველოს პრეზიდენტმა მიხეილ ყაველაშვილმა აღნიშნა, რომ სომხეთის რესპუბლიკაში მისი პირველი ოფიციალური ვიზიტი სიმბოლური მნიშვნელობისაა, ორი ხალხის ათასწლეული ისტორიის მქონე მეგობრობის გათვალისწინებით. მან ხაზი გაუსვა გასულ წელს ხელმოწერილი სტრატეგიული თანამშრომლობის შეთანხმების პრაქტიკულ განხორციელებას და დაამატა, რომ აუცილებელია ყველაფერი გაკეთდეს, რათა სამხრეთი კავკასია გახდეს სტაბილური და ძლიერი რეგიონი.
მხარეებმა ასევე განიხილეს ორმხრივი თანამშრომლობის დღის წესრიგის საკითხები, მათ შორის- ეკონომიკის, ინფრასტრუქტურისა და განათლების. აღინიშნა მაღალი დონის ურთიერთვიზიტებისა და აქტიური დიალოგის მნიშვნელობა, რომლებიც ხელს შეუწყობს დარგობრივი თანამშრომლობის გაღრმავებას.
შეხვედრის დროს განსაკუთრებული ყურადღება დაეთმო რეგიონულ განვითარებებს. ორივე ლიდერმა მიესალმა სომხეთსა და აზერბაიჯანს შორის სამშვიდობო შეთანხმების პროექტის შეთანხმებას და იმედი გამოთქვა, რომ ის მალე გაფორმდება, რაც ხელს შეუწყობს სამხრეთ კავკასიაში ხანგრძლივი მშვიდობისა და სტაბილურობის დამყარებას.
სომხეთსა და საქართველოს სამაგალითო ორმხრივი თანამშრომლობა აქვთ მრავალ სფეროში. 2024 წელს ერევანსა და თბილისს შორის ხელმოწერილი სტრატეგიული პარტნიორობის შესახებ შეთანხმება მჭიდრო და მტკიცე მეგობრული ურთიერთობების კიდევ ერთი დადასტურებაა და გზას უხსნის ყველა სფეროში უფრო ღრმა და ყოვლისმომცველი თანამშრომლობისთვის.ამის შესახებ სომხეთის რესპუბლიკის პრეზიდენტ ვაჰაგნ ხაჩატურიანთან შეხვედრის შემდეგ პრესსამსახურისთვის განცხადების დროს საქართველოს პრეზიდენტმა მიხეილ კაველაშვილმა განაცხადა. მან დააზუსტა, რომ სომხეთის პრეზიდენტთან შეხვედრის დროს კმაყოფილებით აღნიშნა, რომ მსოფლიოში შექმნილი რთული გეოპოლიტიკური ვითარების ფონზე თბილისი და ერევანი აგრძელებენ ორმხრივი მჭიდრო პოლიტიკური და ეკონომიკური კავშირების გაღრმავებას. მან აღნიშნა, რომ სომხეთი საქართველოს ერთ-ერთი ყველაზე მნიშვნელოვანი სავაჭრო პარტნიორია.
„ჩვენი ქვეყანა ყოველწლიურად დიდი რაოდენობით ვიზიტორებს იღებს სომხეთიდან და ამ მაჩვენებლით სომხეთი ყოველთვის ვიზიტორების სიის პირველ სამეულშია“, – ხაზგასმით აღნიშნა საქართველოს პრეზიდენტმა.
სომხეთში, ოფიციალური ვიზიტის ფარგლებში საქართველოს პრეზიდენტი მიხეილ ყაველაშვილი ასევე ეწვია სურბ ეჯმიაწინის მთავარ საკათედრო ტაძარს,სადაც მას მისმა უწმინდესობამ, უზენაესმა პატრიარქმა და ყოველთა სომეხთა კათოლიკოსმა გარეგინ II-მ უმასპინძლა.
შეხვედრა 2025წლის 29 აპრილს გაიმართა, მას ესწრებოდნენ მთავარ საკათედრო ტაძრის საგარეო ურთიერთობებისა და პროტოკოლის დეპარტამენტის ხელმძღვანელი, მთავარეპისკოპოსი, ნათან ჰოვანისიანი, საქართველოს სომეხთა ეპარქიის წინამძღვარი, მისი ყოვლადუსამღვდელოება, ეპისკოპოსი კირაკოს დავთიანი და სხვები.
სრულიად სომეხთა კათოლიკოსმა მიესალმა პრეზიდენტის ვიზიტს სომხეთსა და სურბ ეჯმიაწინის მთავარ საკათედრო ტაძარში და ისაუბრა ორ ხალხს შორის საუკუნოვან მეგობრობაზე. მისმა უწმინდესობამ აღნიშნა, რომ ისტორიის განმავლობაში სომეხმა და ქართველმა ხალხებმა მრავალი სირთულისა და განსაცდელის გადალახვა შეძლეს, ეროვნული იდენტობისა და იმიჯის შენარჩუნებით.ყოველთა სომეხთა კათოლიკოსმა მადლიერება გამოხატა საქართველოს ხელისუფლების მიმართ თხუთმეტი სომეხი სამხედრო ტყვეს დაბრუნებისკენ მიმართული შუამავლობის ძალისხმევისთვის, ასევე საქართველოს სომხური თემის მიმართ მზრუნველი დამოკიდებულებისთვის.
ყოველთა სომეხთა კათოლიკოსმა ასევე გადასცა ძმური მოკითხვა და საუკეთესო სურვილები მის უწმინდესობას, სრულიად საქართველოს კათოლიკოს-პატრიარქს, ილია II-ს.
თავის მხრივ, საქართველოს პრეზიდენტმა, მიხეილ ყაველაშვილმა, კმაყოფილებით შეაფასა სომხეთში ოფიციალური ვიზიტის შედეგები და ხაზი გაუსვა ქრისტიანული სარწმუნოების განსაკუთრებულ როლს ორი ხალხის სულიერი, კულტურული და ეროვნული იდენტობის შენარჩუნებასა და ისტორიის მანძილზე არსებული გამოწვევების დაძლევაში.
ბოლოს, საქართველოს პრეზიდენტმა, მიხეილ ყაველაშვილმა, სასულიერო პირების თანხლებით ეწვია მთავარ ტაძარს, გაეცნო განახლებული წმინდა ადგილის ისტორიას.
ასევე აღვნიშნოთ, რომოფიციალური ვიზიტით სომხეთში მყოფი საქართველოს პრეზიდენტი მიხეილ ყაველაშვილი, წიწერნაკაბერდს ეწვია, ყვავილების გვირგვინით შეამკო მემორიალი და პატივი მიაგო სომეხთა გენოციდის მსხვერპლთა ხსოვნას.
ორ ქვეყანას შორის ურთიერთობებზე, ისევე როგორც ოფიციალურ ვიზიტზე Jnews-მა ესაუბრა საქართველოს საკითხებში ექსპერტ ჯონი მელიქიანს, რომლის თქმითაც ახლადარჩეული მმართველების პირველი ოფიციალური ვიზიტები ტრადიციულად სწორედ მეზობელ ქვეყნებში ხორციელდება. გთავაზობთ ამ საუბრის ნაწყვეტის წაკითხვას.
როგორ შეაფასებდით ორ ქვეყანას შორის ურთიერთობებს ამ ეტაპზე და როგორ იმოქმედებს ეს ვიზიტი ურთიერთობების ზრდასა და შემდგომ დინამიკაზე?
ურთიერთობები დადებითია, ჩამოყალიბებულია დინამიკა და ეს ვიზიტი მორიგ ინვესტიციას შეიტანს ჩვენს ურთიერთობებში, რადგან არჩევნების შემდეგ პრეზიდენტის პირველი ოფიციალური ვიზიტია სომხეთში, ამიტომაც ჩანს, რომ თბილისისთვის მნიშვნელოვანია სომხური მიმართულება, მით უმეტეს, რომ ერთი წლის წინ ჩვენ ხელი მოვაწერეთ დეკლარაციას, რომლითაც გამოცხადდა ჩვენი ურთიერთობების სტრატეგიული ხასიათი, ამიტომაც ის დამატებით დინამიკას სძენს ურთიერთობებს.
თქვენი აზრით, რა არის ის ძირითადი მიმართულებები, რომლებშიც სომხეთსა და საქართველოს შეუძლიათ მჭიდრო თანამშრომლობა ამ, უკვე ახლად ჩამოყალიბებულ ეტაპზე?
ვინაიდან გამოვაცხადეთ სტრატეგიული ურთიერთობები, ამ მიმართულებით უნდა ვიმუშაოთ, დღეს უკვე საკმარისი არაფერია, მხარეებმა ამ მიმართულებით უნდა გააგრძელონ მუშაობა, გააღრმავონ სავაჭრო-ეკონომიკური თანამშრომლობა, წამოიწყონ სხვადასხვა და ახალი ურთიერთსასარგებლო პროექტები, რომლებსაც მომავალში საკმაოდ სერიოზული წვლილი შეიძლება ჰქონდეთ არსებულ ურთიერთობებში და კიდევ უფრო გააღრმავონ ისინი.
როგორც მეზობელი სახელმწიფო, რა შეიძლება შესთავაზოს სომხეთმა საქართველოს და პირიქით?
ერთ დროს, საქართველოს შეეძლო ესარგებლა ჩვენი ევრაზიულ ეკონომიკურ კავშირში წევრობით მისი საქონლის ნაწილის ექსპორტის თვალსაზრისით ჩვენ კი საქართველოს კვოტებით – ევროპულ ბაზარზე ექსპორტის გარკვეულ საკითხებში, ერთობლივი წარმოების შემთხვევაში. სომხეთი ასევე ერთ-ერთი იმ ქვეყნებიდანაა, საიდანაც ყოველწლიურად დაახლოებით მილიონნახევარი ვიზიტორი ფიქსირდება საქართველოში, რაც მნიშვნელოვანი მაჩვენებელია და გულისხმობს სოლიდური თანხების ინვესტირებას საქართველოს ეკონომიკაში. ამიტომ, ერთად თანამშრომლობით, ჩვენ შეგვიძლია კიდევ უფრო გავაფართოვოთ პოტენციური თანამშრომლობის სფერო, განავითაროთ სხვადასხვა დარგები, იქნება ეს სპორტული ტურიზმი, ინფრასტრუქტურული თუ ტექნოლოგიური თანამშრომლობა და სხვა.
საქართველო რეგიონული გზაჯვარედინია. რა როლის შესრულება შეუძლია ქვეყანას სომხურ-აზერბაიჯანულ ურთიერთობებში, განსაკუთრებით სამშვიდობო პროცესში?
რაც შეიძლებოდა გაკეთებულიყო, ქართულმა მხარემ უკვე გააკეთა, პატიმრების დაბრუნება, შეხვედრებისთვის პლატფორმის უზრუნველყოფა, ამიტომ, ჩემი აზრით, თუ მოთხოვნა იქნება, მხარეებს შეუძლიათ მიმართონ ოფიციალურ თბილისს პლატფორმის უზრუნველყოფისთვის. მე არ ვიტყოდი, რომ საქართველოს შეუძლია მოდერატორი ქვეყნის სტატუსის პრეტენზია ჰქონდეს, რადგან დღეს ძალიან ცოტა ქვეყანას აქვს ასეთი შესაძლებლობები, ამიტომ საქართველო ყოველთვის იჩენს ინტერესს სომხეთ-აზერბაიჯანის მოლაპარაკებების დადებითი შედეგის მიმართ.
