ახალქალაქში, აღმაშენებლის ქუჩაზე სადრენაჟე არხის გაყვანა მიმდინარეობს. სამუშაოებზე ტენდერი ჩატარდა.
ტენდერში გ ინდმეწარმე დაიანა მანუკიანმა 26 199,47 ლარით გაიმარჯვა.
ხელშეკრულების მიხედვით, სამუშაოების დაწყება და დასრულება გათვალისწინებულია 2025 წლის 15 აპრილიდან 25 მაისამდე, 40 კალენდარული დღის განმავლობაში.
საგარანტიო ვადა შეადგენს 2 (ორ) წელს საბოლოო მიღება-ჩაბარების აქტის ხელმოწერის მომენტიდან.
აღსანიშნავია, რომ ეს უკვე მეორე ტენდერია, პირველი ტენდერი არ შედგა მონაწილეების არარსებობის გამო.
ტენდერის თანახმად, იგეგმება არსებული სადრენაჟე მილისა და არხის გაწმენდა გრუნტისგან, ქუჩის ორივე მხრის ბეტონის ფილების დემონტაჟი, 530 მმ-იანი სანიაღვრე მილის დამონტაჟება, ლითონის ცხაურის დაყენება და სხვა.
ახალქალაქის მუნიციპალიტეტის მერიის ინფრასტრუქტურის, არქიტექტურისა და მშენებლობის სამსახურის უფროსის- არა მოსისიანის თქმით, არხი გაიწმინდება და ასევე მოხდება გზის კიდეების ბეტონირება.
გევორგ ჯანოიან
