ახალი სასწავლო წელი საქართველოში ქართული ენის სწავლებასთან დაკავშირებული ცვლილებებით დაიწყება. 1 ოქტომბრიდან საქართველოს უნივერსიტეტებში სახელმწიფო ენის სწავლება სავალდებულო გახდება. ამის შესახებ etaloni.ge წერს.
პარლამენტის განათლების კომიტეტმა სხდომაზე განიხილა საკონსტიტუციო წინადადება, რომლის მიხედვითაც უმაღლეს სასწავლებლებში სახელმწიფო ენის სავალდებულო სწავლება დაწესდება. ეს ინიციატივა ენათმეცნიერების ინსტიტუტის დირექტორს ნანა მაჭავარიანს და ენათმეცნიერების ინსტიტუტის კათედრის ხელმძღვანელს გიორგი გოგოლაშვილს ეკუთვნის.
დოკუმენტში აღნიშნულია,- „ბოლო წლებში საუბარია ახალგაზრდა სტუდენტებში სახელმწიფო ენის ცოდნის დაბალ დონეზე“, რაც დასტურდება ენის სახელმწიფო სტრატეგიის შესახებ მთავრობის დოკუმენტით, სადაც ვკითხულობთ შემდეგს:
„წიგნიერების დაბალი დონე და ყველა უმაღლეს სასწავლო დაწესებულებაში ქართული ენის პრაქტიკული კურსების არარსებობა არ უზრუნველყოფს, რომ მოსწავლეებმა შეძლონ მიღებული ცოდნის განმტკიცება და განვითარება“.
აქედან გამომდინარე, ზემოაღნიშნული წინადადების ინიციატორებმა მიმართეს საკანონმდებლო ორგანოს წარმომადგენლებს, აღედგინათ უნივერსიტეტებში ქართული ენის სავალდებულო სწავლება და ასევე, კანონში დაემატებინათ შემდეგი ჩანაწერი:
„სახელმწიფო ენის სწავლება სავალდებულოა უმაღლესი განათლების პირველ საფეხურზე“.
პარლამენტის განათლების კომიტეტმა მხარი დაუჭირა ამ ინიციატივას, ხოლო პარლამენტის თავმჯდომარემ დაამატა, რომ ინიციატივის მხარდაჭერის მზადყოფნა იმდენად დიდია, რომ უნივერსიტეტებს მოეთხოვებათ ამ ვალდებულების შესრულება მომდევნო სასწავლო წლიდან – 2025 წლის 1 ოქტომბრიდან, ხოლო მანამდე დეტალები უნდა შეიტანონ თავიანთ სასწავლო პროგრამებსა და გეგმებში.
ფენია თოროსიან
