2025 წელს ნინოწმინდის მუნიციპალიტეტში სახელმწიფო ბიუჯეტიდან 6 სოფლის გზა მოასფალტდება, საერთო თანხით 3 545 714 ლარი. ამ თანხის 5%-ს ნინოწმინდის ადგილობრივი ბიუჯეტი გამოყოფს. ამ სამუშაოებზე ტენდერი უკვე გამოცხადებულია.
სახელმწიფო ბიუჯეტიდან ნინოწმინდის მუნიციპალიტეტში მოასფალტდება და რეაბილიტაცია ჩაუტარდება შემდეგ სოფლის გზებს:
1. ყულალისისკენ მიმავალი გზის მოასფალტება – სავარაუდო ღირებულება 440 000 ლარი
2. სოფელ დიდი არაგიალის შიდა გზები – სავარაუდო ღირებულება 389 000 ლარი.
3. სოფელ პატარა არაგიალის შიდა გზები – სავარაუდო ღირებულება 318 000 ლარი.
4. სოფელ ოროჯალარის გზის მონაკვეთი – სავარაუდო ღირებულება 370 000 ლარი.
5. სოფელ განძის შიდასოფლის გზები – სავარაუდო ღირებულება 1 751 714 ლარი.
6. სოფელ ფოკას შიდა გზები – სავარაუდო ღირებულება 277 000 ლარი.
ექვსივე სამუშაოს საერთო სავარაუდო ღირებულება შეადგენს 3 545 714 ლარს, დღგ-ს ჩათვლით.
თანხის 95%-ს სახელმწიფო ბიუჯეტიდან გამოყოფს, 5%-ს კი – ადგილობრივი ბიუჯეტიდან.
წინადადებების მიღება სამუშაოების განხორციელებაზე დაიწყო 5 აპრილს და ხვალ- 10 აპრილს დასრულდება.
