თემა რომელზეც ამჟამად საკმაოდ ბევრს საუბრობენ ახალქალაქის მუნიციპალიტეტის სკოლებში არის ის, რომ თუ მასწავლებელს ან პირს, ვისაც მასწავლებლობა სურს, არ აქვს მასწავლებლის შესაბამისი განათლება, ის ვერ იმუშავებს მასწავლებლად, თუნდაც ჩააბაროს საგნობრივი გამოცდა.

Jnews-მა სცადა გაერკვია თუ ვის შეუძლია იმუშავოს პედაგოგად. ამ კითხვით ჩვენ „მასწავლებლის სახლს“ მივმართეთ, სადაც გვიპასუხეს, რომ პედაგოგად მუშაობის უფლება აქვთ იმ პირებს, რომლებსაც აქვთ შესაბამის პედაგოგიურ განათლება და გადალახული აქვთ საგნობრივი გამოცდის მინიმალური ზღვარი.

ხოლო იმ პირებს, რომლებსაც სურთ მუშაობა ზოგადსაგანმანათლებლო სკოლებში პედაგოგებად, მაგრამ არ არიან სპეციალობით პედაგოგები, აუცილებელია გაიარონ მასწავლებლის მომზადების 60 კრედიტიანი პროგრამა და ჩააბარონ საგნობრივი გამოცდა.

როგორც ახალქალაქის საგანმანათლებლო რესურსცენტრში გვაცნობეს, 2026 წლამდე სკოლაში მუშაობის შესაძლებლობა ექნებათ იმ მასწავლებლებს, რომლებსაც არ აქვთ უფროსი მასწავლებლის სტატუსი და პრაქტიკოს მასწავლებლად ითვლებიან.

შეგახსენებთ, რომ პედაგოგებისა და მასწავლებლობის მსურველთა რეგისტრაცია 11 მარტიდან 2 აპრილის ჩათვლით იყო შესაძლებელი. დარეგისტრირებულ კანდიდატებს 10 აპრილამდე აქვთ უფლება შეცვალონ საგანი, საგამოცდო ენა და საგამოცდო ქალაქი.

ფენია თოროსიან