მთავრობამ ერთ თვეში საწვავის ფასი თითქმის 20 თეთრით შეამცირა. კერძოდ, სახელმწიფო შესყიდვების სააგენტოს ვებგვერდზე გამოქვეყნებული ინფორმაციის თანახმად, აპრილში გაფორმებული ხელშეკრულების შესაბამისად, მთავრობა თებერვალში 1 ლიტრ „სუპერ“ ბენზინს 19 თეთრით, პრემიუმ ბენზინს 17 თეთრით, ჩვეულებრივ ბენზინს 17 თეთრით, დიზელის საწვავს 21 თეთრით შეამცირა.
კერძოდ, ნაერთი ტენდერის მიხედვით, აპრილში მთავრობა 1 ლიტრ სუპერ (ოქტანური რიცხვი არანაკლებ 98) საწვავს 2,63 ლარად (მარტში – 2,82 ლარად) შეისყიდის. ტენდერში გამარჯვებული გახდა „Wissol Petroleum Georgia“.
რაც შეეხება სხვა სახის საწვავს, ნაერთი ტენდერის მიხედვით, აპრილის კონტრაქტით, 1 ლიტრი პრემიუმ საწვავის ღირებულება 2,34 ლარია, მარტის 2,51 ლართან შედარებით. აქ გამარჯვებულია „Rompetrol Georgia“-ი.
ამავე მონაცემებით, აპრილში მთავრობა Euro Regular-ის საწვავს 2,32 ლარად შეისყიდის, მარტის 2,49 ლართან შედარებით. გამარჯვებულ კომპანიას წარმოადგენს SOCAR Georgia Petroleum-ი.
რაც შეეხება ევროდიზელს (არაუმეტეს PPM 10), მისი ფასი ამჟამად ლიტრისთვის 2,45 ლარია (მარტში 2,66 ლარი იყო). ტენდერში გამარჯვებული იყო Sun Petroleum Georgia.
ცნობისთვის, Platts-ის ინფორმაციით, იანვარში ტონა ბენზინზე საშუალო ფასი 737,02 აშშ დოლარი იყო, დიზელის საწვავი კი 714,91 აშშ დოლარი. თებერვალში ბენზინი 726,55 დოლარი ღირდა, დიზელის საწვავი კი 705,3 დოლარი. მარტში ბენზინი 683,89 დოლარი ღირდა, დიზელის საწვავი – 655,55 დოლარი.
ბოლო 3 თვის განმავლობაში, Platts-ის მონაცემებით, საქართველოში ბენზინის ფასი 7.2%-ით, ხოლო დიზელის საწვავის ფასი 8.3%-ით შემცირდა.
