
„აშშ-ის პრეზიდენტის, დონალდ ტრამპის მიერ წარმოდგენილი ცხრილის მიხედვით, სხვადასხვა ქვეყნის მიმართ აშშ-ის მიერ დაწესებული ტარიფები ასე გამოიყურება: ჩინეთი – 34%, ინდოეთი – 26%, იაპონია – 24%, ვიეტნამი – 46%, ტაივანი – 32%, მოლდოვა – 31%, სამხრეთ კორეა – 25%, კამბოჯა – 49%, ტაილანდი – 36%, შრი-ლანკა – 44% და ა.შ.“, — წერს Sky News.
შეერთებულმა შტატებმა საქართველოს, აზერბაიჯანის, სომხეთისა და უკრაინის მიმართ 10%-იანი ტარიფი დააწესა.
გარდა ამისა, ტრამპმა დააწესა 20%-იანი ტარიფები ევროკავშირზე და 10%-იანი დიდი ბრიტანეთისთვის.
აშშ-ის პრეზიდენტის თქმით, ტარიფები დაეხმარება აშშ-ს ეკონომიკის აღდგენას.
ტრამპმა თქვა, რომ დიდ პატივს სცემს ჩინეთს და პრეზიდენტ სი ძინპინს, მაგრამ ისინი „უზარმაზარ უპირატესობას იღებენ“ შეერთებული შტატებისგან.
„სხვა ლიდერები ზრუნავენ თავიანთ ქვეყნებზე ამერიკულ იმპორტზე მაღალი ტარიფების დაწესებით, ჩვენ ახლავე უნდა დავიწყოთ ზრუნვა ჩვენს ქვეყანაზე“, – თქვა ტრამპმა.
BBC-ის ცნობით, ძირითადი 10%-იანი გადასახადი 5 აპრილიდან ამოქმედდება.