ფინანსთა მინისტრ ლაშა ხუციშვილის წარდგინებით, პრემიერ-მინისტრის ირაკლი კობახიძის 2025 წლის 2 აპრილის ბრძანებით, ირაკლი ბერაია ფინანსთა სამინისტროს საგამოძიებო სამსახურის უფროსად დაინიშნა, – ამის შესახებ ინფორმაციას ფინანსთა სამინისტროს საგამოძიებო სამსახური ავრცელებს.
„აქამდე ის იუსტიციის მინისტრის მოადგილის თანამდებობაზე იყო.
ირაკლი ბერაია 1976 წლის 23 ივლისს დაიბადა.
1998 წელს წარჩინებით დაამთავრა ი.ჯავახიშვილის სახელობის თბილისის სახელმწიფო უნივერსიტეტის ეკონომიკის ფაკულტეტი.
2016–2025 წლებში იყო საქართველოს მე-9, მე-10 და მე-11 მოწვევის პარლამენტის წევრი.
პოლიტიკურ მოღვაწეობამდე მას წარმატებული კარიერა ჰქონდა საბანკო სექტორში“, – ნათქვამია ინფორმაციაში.
შეგახსენებთ, რომ გუშინ გავრცელდა ინფორმაცია ფინანსთა სამინისტროს საგამოძიებო სამსახურის უფროსის, სოსო რამიშვილის გადადგომის შესახებ.
