
2 აპრილის ღამეს ახალქალაქში, ნალბანდიანის ქუჩაზე მდებარე ოქროს მაღაზიაში უცნობი პირები შევიდნენ. ჩაამტვრიეს შესასვლელი მინის კარი და შევიდნენ. მომხდარ ფაქტზე სისხლის სამართლის საქმეა აღძრული.
როგორც Jnews-ს მაღაზიის მფლობელმა განუცხადა, შემთხვევა ღამით მოხდა. შემთხვევის ადგილზე პირველი სამართალდამცავები მივიდნენ.
„გატეხეს შუშის შესასვლელი კარი და შევიდნენ, ოქროთი ჩაამტვრიეს შუშის ვიტრინები, მაგრამ არაფერი წაუღიათ“, – განაცხადა ოქროს მაღაზიის მფლობელმა.
როგორც Jnews-ს შსს-ში განუცხადეს, სისხლის სამართლის საქმე სსკ-ის 187-ე მუხლით აღიძრა, რაც სხვისი ნივთის განადგურებას ან დაზიანებას, რამაც გამოიწვია მნიშვნელოვანი ზიანი. ეს დანაშაული ისჯება ჯარიმით ან საზოგადოებისათვის სასარგებლო შრომით ვადით 100-დან 180 საათამდე, ან გამოსწორებით შრომით ვადით ერთ წლამდე ან თავისუფლების აღკვეთით ვადით ერთიდან სამ წლამდე.
შსს-ში არ აკონკრეტებენ, თუ რა ეტაპზეა გამოძიება და არის თუ არა დაკავებულები.