საქართველოს შინაგან საქმეთა სამინისტროს სამეგრელო-ზემო სვანეთის პოლიციის ზუგდიდის რაიონული სამმართველოს თანამშრომლების მიერ ჩატარებული ოპერატიული და საგამოძიებო მოქმედებების შედეგად ნარკოტიკული საშუალების უკანონო შეძენა-შენახვის ბრალდებით 1990 წელს დაბადებული ბელარუსის რესპუბლიკის მოქალაქე მ.ვ დააკავეს.
„პოლიციის თანამშრომლებმა ნარკოტიკების უკანონო ბრუნვაში ეჭვმიტანილის პირადი ჩხრეკისა და სატრანსპორტო საშუალების დათვალიერებისას, მტკიცებულებად ამოიღეს განსაკუთრებით დიდი რაოდენობით ნარკოტიკული საშუალება „მეტადონი“ – 91 შეფუთვა,“ – განაცხადეს შსს-ში.
გამოძიება მიმდინარეობს განსაკუთრებით დიდი რაოდენობით ნარკოტიკული საშუალებების უკანონო შეძენისა და შენახვის ფაქტზე, საქართველოს სისხლის სამართლის კოდექსის 260-ე მუხლის მე-6 ნაწილის „ა“ ქვეპუნქტით. აღნიშნული დანაშაული ისჯება თავისუფლების აღკვეთით 20 წლამდე ან უვადო პატიმრობით.
