ქრისტიანთა ცხოვრებაში მიჯინქი მნიშვნელოვანი ეტაპია მონანიების პროცესში. იმის გაცნობიერება, რომ ჯერ კიდევ გვაქვს დრო მონანიებისთვის. დღეს თბილისის სომეხთა ეპარქიის ტაძრებში მიჯინქი აღნიშნეს.
სურბ გევორგის საკათედრო ტაძარში ეს აღინიშნა მისი ყოვლადუსამღვდელოესობის ეპისკოპოს კირაკოს დავთიანის კურთხევით ჩატარებული „ჰანგსტიანის“ საღამოს მსახურებით.
ლოცვის დასრულების შემდეგ, თემის წინამძღოლმა აკურთხა მყოფი მორწმუნეები, უსურვა მათ სულიერ ძალა და მოთმინება. ის თავის სიტყვაში ხაზი უსვა დღევანდელ დღესასწაულის მნიშვნელობას, მოუწოდა ყველას დაეცვათ სარწმუნოების ძალა, შეინარჩუნონ სულიერი სიწმინდე და გააგრძელონ მარხვის გზა- აღდგომის დიდი დღესასწაულის მომზადებით.
სომეხი მორწმუნეები ასევე აღნიშნავენ მიჯინქს ხალხური ტრადიციებითა და წეს-ჩვეულებებით. მრავალსაუკუნოვანი ჩვეულების თანახმად, ამ დღეს აცხობენ სპეციალურ ბაღარჯსა და ქადას, რომლებშიც ათავსებენ პატარა ნიშანს, მაგალითად ჯვარი. ადამიანი,ვისაც ხვდება ნიშანი, ითვლება იღბლიანი და დალოცვილი მთელი წლის განმავლობაში.
თბილისის სურბ გევორგის სახელობის საკათედრო ტაძარში და ჰავლაბარის წმინდა ეჯმიაწინის ეკლესიაში მორწმუნეებს ჯვრები დაურიგეს. წელს ეკლესიის ჯვრის ნათლიების- არკადი ჰოვაკიმიანისა და კარენ დარბინიანის ინიციატივით ქადებში დადეს ნაკურთხი ჯვრები, რომლებიც ბევრისთვის სიხარულის მომტანი გახდა, რწმენის განმტკიცებისა და სულიერი კურთხევის სიმბოლო.
სულიერად, მიჯინქი მნიშვნელოვანი ეტაპია, რადგან ის გვახსენებს, რომ მარხვა არა მხოლოდ კვებითი შეზღუდვაა, არამედ სულიერი სიწმინდის გზა. ეს მოწოდებაა მორწმუნეებისთვის, რომ განიხილონ საკუთარი ქცევა, ინანონ ცოდვებისთვის და უფრო მიუახლოვდნენ ღმერთს.
ეს დღე გვახსენებს, რომ გზის ნახევარი უკვე გავლილია, და სულიერად გაძლიერებაა საჭირო- რათა მოვემზადოთ აღდგომის დღესასწაულისთვის.
მიჯინქი შესაძლებლობას გვაძლევს განვაახლოთ ჩვენი აზრები და გრძნობები, განვიხილოთ მარხვის მიზანი და თავდაჯერებულად გავაგრძელოთ გზა წმინდა აღდგომისკენ.
გარდა სომეხთა სამოციქულო ეკლესიის საქართველოს ეპარქიისა, მიჯინქი აღინიშნება სხვა თემებშიც, სადაც სომხური ეკლესიებია. განსაკუთრებით სომხებით დასახლებულ რეგიონებში მიჯინქის დღეს ეწყობა ოჯახური მომლოცველები, ხალხი მიდის ეკლესიაში, მონაწილეობს ღვთისმსახურებაში და უსურვებს ერთმანეთს ძალასა და მოთმინებას მარხვის პროცესის გასაგრძელებლად.
