„პრეზიდენტ ტრამპის ხელმძღვანელობით ჩვენ ვიცავთ ამერიკულ ოჯახებს: თუ თქვენ ცდილობთ ამ ქვეყანაში არალეგალურად შესვლას, დაგაპატიმრებენ, დეპორტირებენ და აღარასოდეს დაგიბრუნებენ“, – განაცხადა აშშ-ის შიდა უსაფრთხოების მდივანმა კრისტი ნოემმა საქართველოში აშშ-ის საელჩოს მიერ გავრცელებულ ვიდეომიმართვაში.
„მე კრისტი ნოემი, ამერიკის შეერთებული შტატების ეროვნული უსაფრთხოების მინისტრი. მადლობა, პრეზიდენტო ტრამპ, ჩვენი საზღვრების დაცვისა და ამერიკის პირველ ადგილზე დაყენებისთვის. ნება მომეცით, გადავცე პრეზიდენტ ტრამპის გზავნილი მთელ მსოფლიოს:“
„თუ გეგმავთ ამერიკაში არალეგალურად შეღწევას — არც კი იფიქროთ ამაზე.
ვაცხადებ მკაფიოდ: თუ გადაკვეთთ საზღვარს და დაარღვევთ ჩვენს კანონებს, ჩვენ აუცილებლად გიპოვით. აშშ-ში არ არის ადგილი დამნაშავეებისთვის.“
სუსტმა ხელმძღვანელობამ ჩვენი საზღვრები დიდი ხნის განმავლობაში ღია დატოვა. ამან გამოიწვია ნარკოტიკების, ადამიანებით მოვაჭრეების და საშიში დამნაშავეების შემოდინება ჩვენს საზოგადოებაში. ეს დრო წარსულშია.
პრეზიდენტ ტრამპის ხელმძღვანელობით ჩვენ ვიცავთ ამერიკულ ოჯახებს და აღვადგენთ მათ უსაფრთხოებას. თუ თქვენ შეეცდებით ქვეყანაში არალეგალურად შესვლას, დაგაკავებენ, დეპორტირებენ და აღარ დაბრუნდებით.
„დაიცავით კანონი — იპოვით შესაძლებლობებს. დაარღვევთ — აუცილებლად გიპოვით და ააგებთ პასუხს. საიმედო საზღვრები ნიშნავს ძლიერ ამერიკას. პრეზიდენტი ტრამპი კვლავ უსაფრთხოს ხდის ამერიკას“, — განაცხადა კრისტი ნოემმა.
