საქართველომ ტრანზიტული გადაადგილებისას სატვირთო მანქანების გზებით სარგებლობიდან იანვარი-თებერვალში 25 მილიონი ლარი გამოიმუშავა, გვატყობინებს bm.ge.
საანგარიშო პერიოდში საქართველოს ტერიტორია დაახლოებით 70 ათასმა სატვირთომ გადაკვეთა. 2024 წლის იანვარ-თებერვალთან შედარებით 10%-იანი კლება ფიქსირდება როგორც სატრანზიტო მანქანების რაოდენობაში, ასევე შემოსავალში.
ტრანზიტული გადაადგილებისას სატვირთო მანქანების გზებით სარგებლობის ღირებულება 350 ლარს შეადგენს.
2024 წელს ქართული სატრანსპორტო დერეფნით დაახლოებით 513 ათასი დიდი ტვირთმზიდი გადაადგილდა, ხოლო მიღებული შემოსავალი დაახლოებით 179,4 მილიონი ლარი იყო.
ამ თვალსაზრისით, საქართველოს ყველაზე დატვირთული საბაჟო-გამშვები პუნქტი არის „სარფი“ თურქეთის საზღვარზე.
