ერთი წლის განმავლობაში ევროკავშირის ქვეყნებიდან საქართველოში დაბრუნების თანხმობა მიეცა 4173 პირს.
უფრო კონკრეტულად, შინაგან საქმეთა სამინისტროს სტატისტიკის მიხედვით, 2024 წელს სულ განიხილეს რეადმისიის 4196 განაცხადი, საიდანაც მხოლოდ 23 დაკმაყოფილდა.
აღსანიშნავია, რომ საქართველოში დაბრუნების შესახებ ყველაზე მეტი გადაწყვეტილება, 2537 მოქალაქე, გერმანიაში მიიღეს. შემდეგია საფრანგეთი (700), საბერძნეთი (200), შვეიცარია (148), იტალია (91), პოლონეთი (90), ირლანდია (66), ესპანეთი (58), ბელგია (48), დიდი ბრიტანეთი (42), ავსტრია (38), ნიდერლანდები (37), შვედეთი (25).
გახსენებთ, რომ საქართველოსა და ევროკავშირს შორის „უკანონოდ მცხოვრები პირების რეადმისიის შესახებ“ შეთანხმება ძალაში შევიდა 2011 წლის 1 მარტს.შეთანხმების საფუძველზე, ევროკავშირის ტერიტორიაზე უკანონოდ მცხოვრები საქართველოს მოქალაქეები ბრუნდებიან საქართველოში. ასევე, შეთანხმება ითვალისწინებს მესამე ქვეყნის მოქალაქეთა დაბრუნებას საქართველოში, შეთანხმებით განსაზღვრული პირობების შესაბამისად. შეთანხმების მიხედვით, რეადმისიასთან და საბოლოო დანიშნულების ქვეყნის საზღვრამდე ტრანზიტთან დაკავშირებული ყველა სატრანსპორტო ხარჯი ანაზღაურდება მოთხოვნის წამომყენი ქვეყნის მიერ.
