2025 წლის 13 მარტს, 10:00 საათიდან 17:00 საათამდე, მცხეთა-სტეფანწმინდა-ლარსის საავტომობილო გზის 132-135 კმ-ში მდებარე დევდორაკის საავტომობილო გვირაბით ყველა სახის ავტოტრანსპორტის მოძრაობა შეიზღუდება.
„საავტომობილო გვირაბის ჩაკეტვისას მოძრაობა გადაიმართება დევდორაკის გვირაბის შემოვლით გზაზე“, – ნათქვამია საგზაო დეპარტამენტის განცხადებაში.
მცხეთა-სტეფანწმინდა-ლარსის ავტომაგისტრალის 77-ე კმ-ის მონაკვეთი (სოფელი არხავეთი) ასევე ჩაკეტილია, გზის სარეაბილიტაციო სამუშაოები უნდა განხორციელდეს.
ამასთან დაკავშირებით, 2025 წლის 13 მარტს, 10:00-18:00 საათამდე, აღნიშნულ გზის მონაკვეთზე დროებით შეზღუდულია მისაბმელიანი და ნახევრადმისაბმელიანი სატრანსპორტო საშუალებების გადაადგილება.
