საქართველოს ყოფილ პრეზიდენტს მიხეილ სააკაშვილს 9 წლით თავისუფლების აღკვეთა მიუსაჯეს. სასამართლომ იგი დამნაშავედ ცნო საბიუჯეტო სახსრების განსაკუთრებით დიდი მასშტაბით გაფლანგვაში.
თბილისის სასამართლომ ასევე, სამსახურებრივი უფლებამოსილების გადამეტებაში დამნაშავედ ცნო სპეციალური უსაფრთხოების სამსახურის ყოფილი უფროსი თეიმურაზ ჯანაშია და დააჯარიმა 300 000 ლარით.
სააკაშვილმა და ჯანაშიამ წარსულში არაერთხელ უარყვეს ბრალდება და განაცხადეს, რომ სასამართლო პროცესი პოლიტიკური ხასიათისაა.
პროკურატურის ინფორმაციით, 2009 წლის 1 მაისიდან 2013 წლის 25 თებერვლამდე მისი პირადი მიზნებისთვის სახელმწიფო ბიუჯეტიდან სააკაშვილის დავალებითა და ორგანიზობით დაახლოებით 9 მილიონი ლარი დაიხარჯა.
სააკაშვილი ამჟამად კიდევ ორ საქმეზე ექვსწლიან თავისუფლების აღკვეთას იხდის.სასამართლომ სააკაშვილი, რომელიც საქართველოს 9 წლის განმავლობაში მართავდა, დამნაშავედ ცნო მკვლელობისთვის გასამართლებულ პოლიციის ყოფილ თანამშრომლებზე შეწყალების გამოცხადებისა და ასევე ყოფილი პარლამენტარის, ვალერი გელაშვილის ცემის საქმეებისთვის.
ქართულმა სასამართლომ 2018 წელს დაადგინა, რომ სააკაშვილმა გადააჭარბა უფლებამოსილებას მძიმე დანაშაულისთვის მსჯავრდებული პოლიციელების შეწყალებით.
თავისუფლების აღკვეთის ახალი ვადა მიხეილ სააკაშვილის დაკავების დღიდან, 2021 წლის 1 ოქტომბრიდან გამოითვლება და 2030 წლის 1 ოქტომბერს გაათავისუფლებენ.
საქართველოს ყოფილი პრეზიდენტის წინააღმდეგ ორი სასამართლო საქმე ჯერ კიდევ ჯერ კიდევ განხილვის პროცესშია- ერთი 2007 წლის ოპოზიციის მიტინგის დარბევისა და მეორე საზღვრის უკანონო გადაკვეთის გამო.
