დღეს 9 მარტს, ახალქალაქის მუნიციპალიტეტის სოფელ ვაჩიანში ცეკვის დღე გაიმართა, რომელშიც მონაწილეობა მიიღეს როგორც ადგილობრივმა, ასევე მოწვეულმა ანსამბლებმა.
სოფელი ვაჩიანი დღეს ხალხმრავალი და აქტიური იყო, რადგან სოფლის კლუბში სხვადასხვა ადგილიდან უამრავი ანსამბლი მოვიდა, რათა წარმოეჩინათ სომხური და ქართული ხალხური ცეკვის სილამაზე და პლასტიურობა.
კლუბი სავსე იყო მაყურებლით, ასევე იმყოფებოდნენ ახალქალაქის მერი მელქონ მაკარიანი, ახალქალაქის მუნიციპალიტეტის საკრებულოს თავმჯდომარე ნაირი ირიციანი და ადგილობრივი ხელისუფლების სხვა წარმომადგენლები.
„ფესტივალმა საკმაოდ გრძელი გზა გაიარა. ჩვენ ყოველთვის დიდ ქალაქებში გამოვდივართ სცენაზე, რატომ არ უნდა ჩავატაროთ ფესტივალები სოფლებშიც, რათა სოფელი შიგნიდანაც ვაჩვენოთ. ამიტომ გადავწყვიტეთ, ანსამბლები ჩვენს სოფელში მოგვეწვია, რათა სოფელში კულტურული ცხოვრება განვავითაროთ. დღეს 14 ანსამბლი გამოვიდა სცენაზე. ჩვენი სოფლის ორი ჯგუფი, ასევე მოწვეული ანსამბლები გიუმრიდან (სომხეთი), ახალქალაქიდან, ახალციხიდან, ნინოწმინდიდან, ასპინძიდან და სხვა ანსამბლები, რომლებიც სხვადასხვა სოფელს წარმოადგენენ,“ – განაცხადა ფესტივალის ორგანიზატორმა და ანსამბლ „ვაჩიანის“ ქორეოგრაფმა ნასლეტ კეიანმა.
ორგანიზატორებმა მადლობა გადაუხადეს ადგილობრივ ხელისუფლებას ამ ღონისძიების ჩატარების ნებართვისთვის და სოფლის ქველმოქმედს ღონისძიების დაფინანსებისთვის, კერძოდ საჩუქრებისა და სერთიფიკატებისთვის, რომლებიც მიიღეს სოფლ ვაჩიანის კლუბის სცენაზე გამოსულებმა.
