ოკუპირებულ აფხაზეთში უკანონო ე.წ. საპრეზიდენტო არჩევნების მეორე ტური საქართველოს სუვერენიტეტისა და ტერიტორიული მთლიანობის კიდევ ერთი უხეში დარღვევაა, – ნათქვამია შერიგებისა და სამოქალაქო თანასწორობის საკითხებში სახელმწიფო მინისტრის აპარატის განცხადებაში.
როგორც განცხადებაშია აღნიშნული ე.წ. არჩევნები ვერ გამოხატავს ხალხის ნებას, შესაბამისად მათ არ გააჩნიათ სამართლებრივი საფუძველი.
„სახელმწიფო სამინისტროს თანამშრომლები ეხმაურებიან ე.წ არჩევნებს აფხაზეთის ოკუპირებულ რეგიონში. საპრეზიდენტო არჩევნებსის მეორე ტური, რომელიც ეწინააღმდეგება საერთაშორისო სამართლის ფუნდამენტურ პრინციპებს და წარმოადგენს საქართველოს სუვერენიტეტისა და ტერიტორიული მთლიანობის მორიგ უხეშ დარღვევას მის საერთაშორისოდ აღიარებულ საზღვრებში.
მიმდინარე ოკუპაციის ფონზე და იმ პირობებში, როდესაც აფხაზეთის რეგიონიდან იძულებით გადაადგილებულ პირებს და ლტოლვილებს ჯერ კიდევ არ ეძლევათ საშუალება დაბრუნდნენ თავიანთ სახლებში უსაფრთხოდ და ღირსეულად, ხოლო ადგილობრივი ძირძველი მოსახლეობის ძირითადი უფლებები და თავისუფლებები უხეშად და სისტემატურად ირღვევა, ეგრეთ წოდებული არჩევნები ვერ გამოხატავს ხალხის ნებას და, შესაბამისად, არ გააჩნია სამართლებრივი საფუძველი.
„საქართველოს მთავრობა მტკიცედ და თანმიმდევრულად ახორციელებს სტაბილურ სამშვიდობო პოლიტიკას, რომლის ერთ-ერთი სტრატეგიული მიმართულება დეოკუპაციასთან ერთად არის აფხაზეთისა და ცხინვალის რეგიონებში შერიგებისა და ჩართულობის პროცესის განხორციელება და შემდგომი გააქტიურებაა, „რომელიც მიზნად ისახავს გააუმჯობესოს სოციალურ-ეკონომიკური თანამშრომლობა, რომელიც დაფუძნებულია კონფლიქტების მოგვარებასა და მოსახლეობას შორის ნდობის აღდგენაზე“.
გევორგ ჯანოიან
