საქართველოში დედის დღე აღინიშნება 3 მარტს, ეს არის სახელმწიფო დღესასწაული და არა სამუშაო დღე.
ტრადიციულად, ამ დღეს დედებს ყვავილებს ჩუქნიან, ატარებენ თემატურ ღონისძიებებს და გადასცემენ ჯილდოებს დამსახურებულ და მრავალშვილიან ქალებს.
დედების დღე დაწესდა 1991 წელს საქართველოს პირველი პრეზიდენტის, ზვიად გამსახურდიას ინიციატივით. ეს დღესასწაული უნდა ჩაენაცვლებინა ქალთა საერთაშორისო დღეს, რადგან იმ პერიოდში 8 მარტის აღნიშვნა გაუქმებული იყო.
რამდენიმე ხნის შემდეგ, უკვე ედუარდ შევარდნაძის პრეზიდენტობის პერიოდში, საქართველოში 8 მარტს დაუბრუნდა დღესასწაულის სტატუსი, როგორც ქალთა საერთაშორისო დღე. შედეგად, იმ დროიდან საქართველოში აღინიშნება როგორც 3 მარტი, ასევე 8 მარტი.
გევორგ ჯანოიან
