ბორჯომის მუნიციპალიტეტის სოფელ ტაბაწყურში 1 მარტს სოფლის სარიტუალო სახლში გამართული მასობრივი ღონისძიების დროს მოსახლეობა გაზით მოიწამლა. 9 ადამიანი ახალქალაქის საავადმყოფოში გადაიყვანეს, ყველა მათგანი საავადმყოფოდან უკვე გაწერეს.

1 მარტს, ახალქალაქის რეფერალურ საავადმყოფოში ტაბაწყურის მცხოვრები 9 ადამიანი გადაიყვანეს. ყველა მათგანს ინტოქსიკაცია ჰქონდა. პაციენტების მდგომარეობა სტაბილური იყო. შესაბამისი სამედიცინო დახმარების შედეგად 8 ადამიანი იმავე დღეს გაწერეს. ერთი პაციენტი, რომელსაც მეთვალყურეობა და მკურნალობა სჭირდებოდა, 2 მარტს გაწერეს.

სოფელ ტაბაწყურის სარიტუალო სახლში მოწამვლის შემთხვევა დაფიქსირდა. მოსახლეობა იქ საღვთოს (მატაღისთვის) იყვნენ მოსული. სარიტუალო სახლში გაზის სანთურები რიტუალური სახლის გასათბობად ჩართეს. თუმცა, შესაძლოა, ქარის გამო ხანძარი ჩაქრა და სანამ მოსახლეობა მიხვდა, რომ ხანძარი ჩაქრა და გაზით ივსებოდა სარიტუალო სახლი, ბევრი მოიწამლა. ზოგიერთმა მცხოვრებმა პირველადი დახმარება სოფლის ექთნისგან მიიღო, 9 ადამიანი ახალქალაქის საავადმყოფოში გადაიყვანეს. Jnews-ის ინფორმაციით, ტაბაწყურიდან ყველა დაზარალებულის მდგომარეობა ნორმალურია.

ადგილზე პოლიციის თანამშრომლები იმყოფებოდნენ და გაზის სანთურები დალუქეს. რა ოპერატიულ აქტივობებს განახორციელებენ შსს-ს თანამშრომლები და რა გამოხმაურება იქნება მათი მხრიდან, Jnews-ი შეეცდება გაარკვიოს და მკითხველს აცნობოს.