წლევანდელი ზამთარი ჯავახეთში გასულ წლებთან შედარებით ცივი გამოდგა. იმ სოფლებში სადაც გაზი არ არის, მოსახლეობას გათბობის პრობლემა აქვს. გაზის ნაცვლად ხალხი შეშას იყენებს, რაც მათ გაზზე ძვირი უჯდებათ.

ჯავახეთში წელიწადში 7-8 თვე- ნოემბრის დასაწყისიდან მაისის ბოლომდე, ამინდის მკაცრი პირობების გამო შეშის ღუმელებს იყენებენ.

Jnews-მა მცირე გამოკითხვა ჩაატარა სოფლებში, სადაც გასათბობად შეშას იყენებენ.

„ერთ რიგ შეშაში 600 ლარს ვიხდით, საშუალოდ 4-5 კაციანი ოჯახი მოიხმარს 4 რიგს, რაც 2400 ლარს შეადგენს. არიან ადამიანები, რომლებსაც შეშის ყიდვის საშუალება არ აქვთ და ნაკელის იმედით არიან დარჩენილი. წელს 4 რიგი შეშა ვიყიდე, მაგრამ ეს არ იყო საკმარისი, კიდევ ერთი რიგი შეშის ყიდვა მომიწევს, რომ საკმარისი იყოს“, – ამბობს სოფელ დადეშის მცხოვრები ეღიშე სარგსიანი.

Jnews-ი დაუკავშირდა შეშის ერთ-ერთ გამყიდველს, რომელმაც საკუთარი თავის წარდგენა არ ისურვა და თქვა, რომ შეშაზე წელს დიდი მოთხოვნაა. შეშის ფასი ამინდის პირობების გამო გაიზარდა. 1 რიგი შეშა 700 ლარი ღირს.

შეშაზე ფასები ბოლო წლებში გაიზარდა.

ამრიგად, თუ 2016 წელს ერთი რიგი შეშის ფასი 400-420 ლარი იყო, მაშინ 2019 წელს ის 350-450 ლარამდე მერყეობდა, რაც დამოკიდებული იყო შეშის ხარისხზე. 2024 წელს ერთი რიგი შეშა 600 ლარი ღირდა, ხოლო წელს – 700 ლარი ღირს.

აღსანიშნავია, რომ ახალქალაქის მუნიციპალიტეტის 64 სოფლიდან 18 არ არის გაზიფიცირებული.

ძირითადად შეშას ყიდულობენ შემდეგი სოფლები: მოდეგამი, გოგაშენი, აფნია, კარცეფი, აზმანა, ოკამი, ერინჯა, დავნია, ხავეთი, დადეში, სულდა, ბოზალი, ფილიპოვკა, კარწახი, აბული, ბუზავეთი, პატარა სამსარი და დიდი სამსარი.

გევორგ ჯანოიან