
27 თებერვალს, ახალქალაქის მუნიციპალიტეტის საკრებულომ განიხილა და მიიღო რამდენიმე ცვლილება, მათ შორის, ახალქალაქის მუნიციპალიტეტის საკრებულოს დეპუტატების ხარჯების თანხების გაზრდა.
საქართველოში საკრებულოს დეპუტატის მანდატი ბიუჯეტიდან ხელფასის გარანტიას არ იძლევა. ქვეყნის კანონმდებლობით, ფიქსირებული ხელფასი მხოლოდ საკრებულოს თავმჯდომარეს, კომისიებისა და ფრაქციების თავმჯდომარეებს აქვთ. თუმცა, საკრებულოს დეპუტატებს ეძლევათ როგორც სამსახურებრივი მანქანა, ასევე გარკვეული თანხები ამომრჩეველთან შეხვედრების ორგანიზებისთვის. თანხის ოდენობა დამოკიდებულია ქალაქის ბიუჯეტის ზომაზე.
წელს გადაწყდა, რომ დეპუტატების ხარჯებისთვის ყოველთვიურად გამოყოფილი თანხა (ამომრჩეველთან შეხვედრების ორგანიზება) 10%-ით გაიზარდოს. შეგახსენებთ, რომ მანამდე დეპუტატების ხარჯებისთვის ყოველთვიურად 820 ლარი გამოიყოფოდა, დამატებით 20700 ლარის გამოყოფის შემდეგ კი დეპუტატები „დეპუტატის ხარჯებისთვის“ 908 ლარს მიიღებენ.
აღვნიშნავთ, რომ სადეპუტატი ხარჯებისთვის გათვალისწინებული თანხას 38 დეპუტატიდან 23 იღებს.
აღსანიშნავია, რომ ზოგადად, ახალქალაქის მუნიციპალიტეტის ბიუჯეტიდან 2025 წელს საკრებულოსთვის 1 502 600 ლარი გამოიყო, საიდანაც 996 000 ლარი ხელფასებზე და 30 000 დამატებით.