დღეს, 26 თებერვალს, ახალქალაქის მუნიციპალიტეტის საკრებულოს დეპუტატებმა სამი კომისიის გაერთიანებულ სხდომაზე მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნორმატიული ფასები განიხილეს. მერიამ საკრებულოში განსახილველად ნორმატიული ფასების დამტკიცების პროექტი წარადგინა, რომლის მიხედვითაც გასული წლის შემდეგ ფასები არ შეცვლილა. საბოლოო ფასები ხვალ პლენარულ სხდომაზე დამტკიცდება.
ყოველწლიურად საქართველოს მუნიციპალიტეტები, საბაზრო ფასების მიხედვით, საქართველოს პრეზიდენტის ბრძანებით, არაუგვიანეს თებერვლისა, მათი მუნიციპალიტეტის არასასოფლო-სამეურნეო დანიშნულების მიწის ნაკვეთებზე ნორმატიულ ფასებს ამტკიცებენ. ეს არის გასაყიდი ნორმატიული ფასი, თუმცა მიწის გაყიდვა არ შეიძლება დამოუკიდებელი აუდიტის გარეშე და შესაძლებელია, რომ მიწის ფასი აუდიტის შეფასების შემდეგ გაიზარდოს. ფასი განისაზღვრება დამტკიცებული ფორმულის მიხედვით.
2022 წელს ახალქალაქის მუნიციპალიტეტში მუნიციპალურ საკუთრებად მიჩნეული არასასოფლო-სამეურნეო დანიშნულების მიწის სტანდარტული ფასი 1 კვ.მ-ზე 1,80 ლარიდან 2,88 ლარამდე გაიზარდა. 2022 წლიდან ფასები არ შეცვლილა.
ახალქალაქის მუნიციპალიტეტში, მოქმედი და დაგეგმილი ნორმატიული ფასები შემდეგია: 1 კვ.მ. არასასოფლო -სამეურნეო მიწის ნაკვეთი ქალაქ ახალქალაქში 2,88 ლარი ღირს, სოფლებში – 1,44 ლარი, მიწის ნაკვეთი სოფლებს შორის1 კვ.მ. 0,72 ლარი, ხოლო ტრასასთან ახლოს, 50 მ რადიუსში, მდებარე მიწები 1 კვ.მ. 2,16 ლარი ღირს.
ხვალ, 27 თებერვალს, შედგება ბიურო და სხდომა, სადაც საკრებულოს დეპუტატები შესაძლოა ამ ნორმატიულ ფასები დაამტკიცონ.
