უამინდობის გამო საქართველოს ზოგიერთ საბავშვო ბაღში სასწავლო პროცესი ორი დღით შეჩერდა. იმის გასაგებად, აჩერებენ თუ არა ახალქალაქის მუნიციპალიტეტში საბავშვო ბაღები მუშაობას, Jnews-ი ახალქალაქის მუნიციპალიტეტის საბავშვო ბაღების გაერთიანების დირექტორს ანაჰიტ ასატურიანს დაუკავშირდა.
ახალქალაქის მუნიციპალიტეტში მოქმედი საბავშვო ბაღები ჩვეულ რეჟიმში მუშაობს. რთული ამინდის პირობებისა და ვირუსების გავრცელების გამო ზოგიერთ საბავშვო ბაღში ბავშვების დასწრება უბრალოდ შემცირდა.
„ახალქალაქში ყველა საბავშვო ბაღი ჩვეულ რეჟიმში მუშაობს. არასასურველი ამინდის პირობებს არანაირი პრობლემა არ შეუქმნია, უბრალოდ ვირუსის გამო საბავშვო ბაღებში ცოტა ბავშვი დადის.
არც გათბობის სისტემასთან გვაქვს პრობლემა. სადაც გაზი არის იქ გაზით თბება, სადაც არ არის- შეშით“, – ამბობს საბავშვო ბაღების ასოციაციის დირექტორი ანაჰიტ ასატურიანი.
დავამატებთ, რომ ახალქალაქის მუნიციპალიტეტში ფუნქციონირებს 14 საბავშვო ბაღი, საიდანაც 12 საკვებით უზრუნველყოფილია, 2 კი სხვა ალტერნატივით (მუშაობენ ნახევარი განაკვეთით და კვების გარეშე).
წაიკითხეთ ასევე
ზოგიერთ სკოლაში დღეს გაკვეთილები არ ჩატარდა
გევორგ ჯანოიან
