20 თებერვალს, მომსახურების სააგენტომ გაავრცელა ინფორმაცია, რომ დიდთოვლობისა და ნალექის გამო მომსახურების სააგენტოს ახალციხის სტრუქტურულ ერთეულში მართვის მოწმობის აღების პრაქტიკული გამოცდის მეორე ეტაპი (ქალაქში) შეჩერდა.

სერვისის სააგენტომ აღნიშნულ თემაზე შემდეგი ინფორმაცია გაავრცელა:

„გაცნობებთ, რომ დიდთოვლობის გამო, მომსახურების სააგენტოს რიგ სტრუქტურულ სამმართველოში ამ წუთებში წყვეტილი სახით ტარდება მართვის მოწმობის აღების პრაქტიკული გამოცდები. გაწმენდითი სამუშაოები გრძელდება“.

21 თებერვლის დილიდან ახალქალაქში მართვის მოწმობის ასაღებად კანდიდატები პრაქტიკული გამოცდის პირველი ეტაპის (ადგილზე) გავლა 14:00 საათიდან შეძლეს.

„გაცნობებთ, რომ პრაქტიკული გამოცდის მეორე ეტაპზე დარეგისტრირებული კანდიდატები დისკვალიფიცირებულნი არ იქნებიან და მათ მიერ გადახდილი თანხა სრულად შენარჩუნდება. კონკრეტული გამოცდის თარიღი კანდიდატებს ეტაპობრივად ეცნობებათ დეტალურად. შეგახსენებთ, რომ დიდთოვლობის გამო, სააგენტოს სხვა სტრუქტურულ დანაყოფებში გამოცდის პროცესი შესაძლოა გადაიდოს. გამოცდის ჩაბარებამდე გთხოვთ დაგვიკავშირდეთ ცხელ ხაზზე „1272“, – დამატებითი ინფორმაციის სახით აღნიშნულია მომსახურების სააგენტოს მიერ გავრცელებულ ინფორმაციაში.

21 თებერვლის, 16:00 საათის მდგომარეობით Jnews-ისთვის ცნობილი გახდა, რომ ახალქალაქის მოედანზე გამოცდების მიმდინარეობა დაიწო, ასევე ახალციხეში გამოცდებზე არ შემჩნეულა ხარვეზები.

ფენია თოროსიან