დღეს ყველა ეკლესიაში, ჯავახეთის ყველა სოფელში, კერძოდ, ახალქალაქის სურბ ხაჩის ტაძარში ჭიაკოკონობის დღესასწაული აღნიშნეს, ასევე ახალდაქორწინებულთა კურთხევის ცერემონია გაიმართა.
ჭიაკოკონობის დღესასწაული, ჯავახურ დიალექტზე „ხეწახ“, „ტრნდეზი“ ერთ-ერთი საყვარელი დღესასწაულია, განსაკუთრებით აღინიშნება სახლებში, სადაც ახალდაქორწინებულები არიან. ამ დღეს ახალდაქორწინებულები მიდიან ეკლესიაში კურთხევისთვის და კოცონზე ხტებიან.
13 თებერვალი განსაკუთრებით საინტერესოა იმ ოჯახებში, სადაც ახლახან იყო ნიშნობა ან ქორწილი. ყველა ნათესავი იკრიბება სიძის სახლში. პატარძლის ნათესავები სიძის სახლში საჩუქრებით მიდიან .სუფრასთან პირველ რიგში მასპინძელი ახლად დაქორწინებულებს და სტუმრებს უმასპინძლდება „ჰეცახით“- ეს არის თაფლში შებრაწული ხორბალი.ამის შემდეგ სტუმრები ეზოში ანთებული კოცონის გარშემო იკრიბებიან და ცეკვავენ, ხოლო ახალდაქორწინებულები 3- დან 7-ჯერ ხტებიან კოცონზე.
უშვილო ქალებიც და გაუთხოვარი ახალგაზრდებიც ცეცხლზე იმ იმედით ხტებიან, რომ ღვთის კურთხევით დაორსულდებიან, გათხოვდებიან ან დაინიშნებიან. ახალგაზრდები ცეკვავენ ცეცხლზე და ხტებიან მასზე, მანამ სანამ ცეცხლი არ ჩაჰქრება .
ჯავახეთის ყველა სოფელში ჭიაკოკონობას თავისებურად აღნიშნავენ. ყოველწლიურად 14 თებერვალს სომხური სამოციქულო ეკლესია იესო ქრისტეს 40 წლის იუბილეს აღნიშნავს, როდესაც ტაძარში 40 დღის ქრისტე გადაასვენეს. ამიტომ დღესასწაულს ტიარნენდარაჩს უწოდებენ, რაც „ღმერისკენ წასვლას“ ნიშნავს.
ამ დღესასწაულის აღნიშვნა იწყება 13 თებერვლის საღამოს. სომხური ეკლესიის კანონის თანახმად, დღესასწაულის წინა დღეს, საღამოს ლიტურგიის შემდეგ, იმართება წინადღესასწაული, რომელიც აღნიშნავს დღესასწაულის „ტერუნის“ დაწყებას. როგორც წესი, წინასადღესასწაულო დღეების ბოლოს იმართება „ანდასტანის“ ცერემონია, რომლის დროსაც იკურთხება მსოფლიოს ოთხი მხარე.
ლიტურგიის შემდეგ მორწმუნეები ეკლესიებში სანთლებს ანთებენ და იესო ქრისტეს მხსნელი სინათლე სახლში მიაქვთ.
