ახალქალაქის რამდენიმე ქუჩაზე ჩავარდნილი საკანალიზაციო ჭები ნამდვილ თავისტკივილად იქცა მძღოლებისთვის. გაცვეთილი საფარები და ასფალტის ჩაზნექილი ადგილები სერიოზულად ართულებს უსაფრთხო გადაადგილებას.
პრობლემა მრავალი წელია აქტუალურია, მაგრამ არასოდეს მიუღია სისტემატური, ლოგიკური გადაწყვეტა.
ყოფილა შემთხვევები, როცა მძღოლები ღამით, ვერ შეუმჩნევიათ ჩამონგრეულ ან ღია საკანალიზაციო ჭა და შიგ ჩავარდნილან.
ამ თემაზე ახალქალაქის მუნიციპალიტეტის მერიის ინფრასტრუქტურის სამსახურის უფროსმა არა მოვსისიანმა თქვა შემდეგი.
„ორი პასუხისმგებელი ორგანო არსებობს: პირველი – მერია, მეორე – წყალმომარაგების კომპანია. გაზაფხულის დადგომისთანავე მივმართავთ წყალმომარაგების კომპანიას, რომელიც გაარემონტებს იმას, რაც მათ დაქვემდებარებაშია და ჩვენ გავარემონტებთ იმას, რაც ჩვენს იურისდიქციაშია“.
ფოტოები გადაღებულია 7 თებერვალს ქალაქის სხვადასხვა ქუჩებში.
გევორგ ჯანოიან
