ახალქალაქის მუნიციპალიტეტის მერია Facebook გვერდზე კონკრეტული სოციალური სტატუსის მქონე სტუდენტების უმაღლესი და პროფესიული განათლების თანადაფინანსების შესახებ ინფორმაციას ავრცელებს. აღსანიშნავია, რომ ახალქალაქის მერიის 2025 წლის სოციალურ პაკეტში გარკვეული ცვლილებები შევიდა. კონკრეტულად სტუდენტთა დაფინანსებაში თანადაფინანსების მაქსიმალური ოდენობა გაიზარდა.
დაფინანსება მიეცემათ იმ სტუდენტებს, რომელთა უნივერსიტეტებს უმაღლესი საგანმანათლებლო დაწესებულების (საბაკალავრო პროგრამებზე და „1+4“ პროგრამაზე) აკრედიტაცია გააჩნიათ. ასევე აკრედიტებული კოლეჯები როგორც საქართველოში, ასევე მის ფარგლებს გარეთ. ახალქალაქის მუნიციპალიტეტის მერიის გადაწყვეტილებით, 2025 წელს სტუდენთთა განათლების დაფინანსების წესში ცვლილებები შევიდა. უმაღლესი საგანმანათლებლო დაწესებულებების სტუდენტებისთვის სწავლის საფასური ადგილობრივი ბიუჯეტიდან 50%-ით დაფინანსდება.
სოციალურ პაკეტში ყველა ცვლილების შესახებ წაიკითხეთ სტატიაში
თითოეული სტუდენტის განათლების დაფინანსების ოდენობა შეადგენს 1125 ლარს, რომელიც არ აღემატება სწავლის წლიური საფასურის 50%-ს.
დახმარება ერთჯერადად გაეწევა სტუდენტს (27 წლამდე), რომელიც არ მონაწილეობს სხვა სამთავრობო პროგრამაში, არ მიუღია სახელმწიფო გრანტი და აკმაყოფილებს ერთ-ერთ შემდეგ კრიტერიუმს:
შეგახსენებთ, რომ გასულ წელს ახალქალაქის მუნიციპალიტეტის სტუდენტებმა ადგილობრივ ხელისუფლებას პეტიციიტ მიმართეს, სადაც მაღალი აკადემიური მოსწრების მქონე სტუდენტებისთვის სტიპენდიის გაცემის საკითხი წამოაყენეს. ახალქალაქის მუნიციპალიტეტის საკრებულომ პეტიცია განიხილა და მერიას გადაუგზავნა. თუმცა, ამ დროისთვის სტუდენტებს პეტიციაზე პასუხი არ მიუღიათ.„პეტიციასთან დაკავშირებით ჯერ არ არის მიღებული კონკრეტული გადაწყვეტილება. იმის შესახებ, თუ რა არის ოფიციალურად მიღებული, ჩვენს გვერდზეა ხელმისაწვდომი. რაც შეეხება აღნიშნული საკითხის განხილვას, ალბათ იქნება“,- გვიპასუხა ახალქალქის მერმა მელქონ მაკარიანმა.
წაიკითხეთ თემაზე
