ახალციხეში, თამარაშვილის ქუჩაზე მდებარე ,,სმარტის” შენობაში, მეორე სართულზე აფეთქება მოხდა, დაზიანებულია მაღაზიის ნაწილი. ადგილზე მობილიზებულია პოლიცია და სამაშველო ჯგუფები.
თვითმხილველების თქმით, შენობაში ერთი პირი იმყოფება. მათი ინფორმაციით, მის სიცოცხლეს საფრთხე არ ემუქრება.
„ვესაუბრე, კარგად არის უბრალოდ გასასვლელია ჩამონგრელი და ჯერჯერობით გარეთ ვერ გამოდის“,– გვითხრა სმარტის ერთ–ერთმა თანამშრომელმა.
თვითმხილველების თქმით აფეთქება ისეთი ძლიერი იყო, რომ ახლომდებარე შენობებში ფანჯრის მინები ჩაიმსხვრა.
შემთხვევის ადგილზე „სამხრეთის კარიბჭე“ მუშაობს.
წყარო – sknews.ge
