საწვავის ფასები სხვადასხვა ბენზინგასამართ სადგურებზე მნიშვნელოვნად განსხვავდება. Jnews-მა ახალქალაქში მცირე კვლევა ჩაატარა, რათა გაერკვია, გაიზარდა თუ არა ფასი და რა ღირს ლიტრი საწვავი სხვადასხვა ბენზინგასამართ სადგურზე.
ერთი თვის განმავლობაში ბენზინი 5 თეთრით, ხოლო დიზელის საწვავი 10 თეთრით გაიზარდა.
საწვავის გაძვირება ტრანსპორტის ფასებზეც აისახება.
Jnews-ი ტაქსის მძღოლებს გაესაუბრა იმის გასარკვევად, არის თუ არა ცვლილებები ტარიფებში.
„ამჟამად ჩვენ არ ვაპირებთ ფასების გაზრდას ჩვენი მოსახლეობის მდგომარეობიდან გამომდინარე“, – თქვა ერთ-ერთმა ტაქსის მძღოლმა, რომელმაც ვინაობის დასახელება არ ისურვა.
ლიოვა აკოპიანი ახალქალაქში ტაქსის მძღოლად მუშაობს. საწვავის გაძვირების მიუხედავად, ის მიიჩნევს, რომ ტაქსის მძღოლებმა ხალხის პოზიცია უნდა დაიკავონ და არა ტრანსპორტის ფასი აწიონ.
„ახლა ფასების მატებაზე საუბარიც კი არ შეიძლება. მართალია, საწვავი გაძვირდა, მაგრამ ცოტა ხალხზეც უნდა ვიფიქროთ“, – თქვა მან.
სოფლის მოსახლეობაც შეშფოთებულია, რადგან სასოფლო-სამეურნეო სამუშაოების დაწყება ახლოვდება და საწვავის ფასი კვლავ იზრდება.
„სოფლის მცხოვრებს საწვავი სასოფლო-სამეურნეო სამუშაოების შესასრულებლად სჭირდება. როგორც ყოველ წელს, წელსაც უკვე არის ფასების ზრდა. სასოფლო-სამეურნეო სამუშაოების დაწყებამდე შესაძლებელია კიდევ მორიგი ფასის ზრდა. სოფლის მცხოვრები იძულებულია საწვავი იყიდოს, რათა სასოფლო-სამეურნეო სამუშაოები განახორციელოს“, – ამბობს არტიუშ მარუქიანი.
გევორგ ჯანოიან
