საქართველოს განათლების სისტემაში უმაღლეს სასწავლებლებში მიღებასთან დაკავშირებით ცვლილებები მიმდინარეობს. ამის შესახებ ინფორმაცია etaloni.ge-ს ვებგვერდზე გამოქვეყნდა.

უმაღლეს სასწავლებლებში შესვლისას გათვალისწინებული იქნება სკოლაში მიღებული ქულები.

„პირველად განათლების სისტემაში უნივერსიტეტში სწავლის გაგრძელებისას გათვალისწინებული იქნება სკოლის აკადემიური მისწრება, რაც გაზრდის ზოგადი განათლების მნიშვნელობას და სკოლის ავტორიტეტს. გარდა ამისა, შედგენილი იქნება სტუდენტების აკადემიური მოსწრების ეროვნული შეფასება“, – ნათქვამია მთავრობის 2025-2028 წლების პროგრამაში.

შეგახსენებთ, რომ აქამდე სკოლაში მიღებული ქულები უნივერსიტეტებში შესვლისას არ იყო გათვალისწინებული. უმაღლეს სასწავლებელში ჩასაბარებლად აბიტურიენტს მხოლოდ ერთიანი ეროვნული გამოცდების ჩაბარება ესაჭიროებოდათ.