სამცხე-ჯავახეთის ახალქალაქის არასამთავრობო ორგანიზაციების პლატფორმამ ადგილობრივი მოსახლეობის დასაქმების რეკომენდაციები შეიმუშავა. ამ პროექტზე პლატფორმა 5 თვეზე მეტი ხნის განმავლობაში მუშაობდა და კონკრეტული დასკვნები და წინადადებები ჩამოაყალიბა.
პლატფორმის აზრით, დასაქმების პრობლემის ამჟამინდელი მიზეზი არის კრიტიკულად არასაკმარისი კომუნიკაცია დასაქმებაში ჩართულ ორგანიზაციებს, საგანმანათლებლო დაწესებულებებსა და დამსაქმებლებს შორის. ამიტომ, პლატფორმის მიერ ჩამოყალიბებული ერთ-ერთი რეკომენდაციაა։
„დასაქმების მხარდაჭერის სააგენტო ატარებს საინფორმაციო შეხვედრებს სოფლებში, მაგრამ მათი საქმიანობა შეუმჩნეველია, სანამ მათთან ურთიერთობას არ დაიწყებ. თუმცა, ჩვენმა შეხვედრამ, რომელზეც სააგენტოსა და ადგილობრივი უნივერსიტეტის წარმომადგენლები შეხვდნენ, მიგვიყვანა იქამდე, რომ სააგენტომ სამცხე-ჯავახეთის უნივერსიტეტის ახალქალაქის შენობაში ღონისძიება ჩაატარა “ , – თქვა პლატფორმის წარმომადგენელმა რიმა ღარიბიანმა.
ის ასევე აღნიშნავს, რომ მათ შორის აუცილებელია ინტენსიური კომუნიკაცია, რათა სამცხე-ჯავახეთის უნივერსიტეტთან არსებულმა კოლეჯმა იცოდეს, რა პროფესიებზეა მოთხოვნა მუნიციპალიტეტში, რათა შესაბამისი სასწავლო პროგრამები გახსნას.
„ასევე აუცილებელია კომუნიკაცია დიდ ინფრასტრუქტურულ პროექტებთან და კერძო ბიზნესებთან. ჩვენ ვახორციელებთ საერთაშორისო პროექტს – ბაქო-თბილისი-ყარსის რკინიგზას და არ ვიცით რამდენი და რა სახის მომუშავეები აკლიათ, რა სპეციალისტები სჭირდებათ. დასაქმების სააგენტომ შესაძლოა იცოდეს ეს ყველაფერი, აცნობოს საგანმანათლებლო დაწესებულებებს და სამუშაოს მაძიებლებს“, – ამბობს რიმა ღარიბიანი.
პლატფორმამ სააგენტოსთვის სხვა რეკომენდაციებიც შეიმუშავა:
მამაკაცების უმრავლესობისთვის ალტერნატივის შეთავაზება, რომლებიც საზღვარგარეთ, ძირითადად რუსეთში, მიდიან სამუშაოდ.
ახალქალაქის ბიზნეს ცენტრის დირექტორი, პლატფორმის წარმომადგენელი მახარე მაცუკატოვი ამბობს, რომ უკვე არის პრეცედენტები, როცა ბათუმში სამშენებლო კომპანიებში დასაქმდნენ, უბრალოდ კოორდინაცია და დახმარება სჭირდებათ სამუშაოს პოვნაში, კომპანიებს კი მომუშავეების მოძიებაში.
ახალქალაქის მუნიციპალიტეტის ოჯახების 57%-დან ერთი მამაკაცი მაინც მიდის სამუშაოდ საზღვარგარეთ, აქედან 95% რუსეთში. ისინი ძირითადად მშენებლობასა და კეთილმოწყობაში არიან დასაქმებული. ეს სფეროები თავად საქართველოშიც არის მოთხოვნადი, მაგრამ ადგილობრივი მოსახლეობის უმრავლესობას ადგილზე მუშაობისთვის ინფორმაციის მოიების უნარები არ აქვს. აქტუალურია კვალიფიკაციისა და სამუშაო გამოცდილების დადასტურების საკითხიც.
ახალგაზრდებთან პლატფორმის განხილვისას ჩამოყალიბდა კიდევ ერთი რეკომენდაცია:
„ ბევრმა არ იცის ვის მიმართოს, ინფორმაცია არ არის, ხოლო ზოგი ეძებს მომუშავეებს, მაგრამ ასევე არ იცის როგორ და სად იპოვონ ისინი“, – ამბობს ზრდასრულთა განათლების ცენტრის დირექტორი, პლატფორმის წარმომადგენელი შორენა თეთვაძე.
ადგილობრივი ხელისუფლების მხრიდან დასაქმების მხარდაჭერის ზოგადი რეკომენდაცია ასევე გამოიკვეთა:
„მომავლის კორპუსი“ სამოქალაქო განვითარების ასოციაციის დირექტორი ვაღარშაკ შახბეკიანი ფიქრობს, რომ ახალქალაქის მუნიციპალიტეტის ბიუჯეტს უნდა ჰქონდეს მუხლი და მექანიზმი სხვადასხვა ორგანიზაციების, დაწესებულებებისა თუ დარგების ახალგაზრდა სპეციალისტების ფინანსური მხარდაჭერისთვის.
„ნაწილობრივ უნდა დაფინანსდეს ხელფასი ან ნედლეული, რადგან ახალმოსულები სწვალის დროს ბევრ ნედლეულს აფუჭებენ. ბიუჯეტის მიხედვით, მათ შეეძლოთ ექვსი თვის განმავლობაში გამოეყოთ თანხები კომპანიებისთვის მათი აყვანის მიზნით, რადგან სანამ ადაპტაციას გადიან, სწავლობენ, აფუჭებენ ნედლეულს; და, რომ კომპანია არ დაზარალდეს, სუბსიდიები მაინც გადაიხადონ, მაგალითად, ნედლეულის ღირებულების 10%-ის დასაფარად“, – ამბობს ვაღარშაკ შახბეკიანი.
HEKS-EPER Georgia ორგანიზაციის მიერ ახალქალაქში განხორციელებული პროექტის „სამოქალაქო საზოგადოების გაძლიერება სოციალურ, ეკონომიკურ და პოლიტიკურ ცხოვრებაში თანაბარი და სრული მონაწილეობისთვის“ ფარგლებში საზოგადოებრივი ორგანიზაციების პლატფორმამ სხვადასხვა სექტორის წარმომადგენლებთან, ინსტიტუტებისა და ორგანიზაციების იდენტიფიცირება დასაქმების პრობლემების, მიგრაციის, სოფლის განვითარებისა და განათლების სისტემებისა და სოფლის მეურნეობის ბიზნესის გამოწვევების დასადგენად სხვადასხვა ფორმატის 6 შეხვედრა ჩაატარა. ამ შეხვედრებზე ამ სფეროებში არსებული პრობლემების განხილვისა და მიღებული ინფორმაციის გაანალიზების შემდეგ, ახალქალაქის პლატფორმა ჯავახეთში დასაქმების გასაუმჯობესებლად რეკომენდაციებს ამუშავებს.
ეს მასალა შექმნილია ევროკავშირის (EU) ფინანსური მხარდაჭერით. მის შინაარსზე პასუხისმგებელია ააიპ “ღია საზღვრები” და შესაძლოა, რომ იგი არ გამოხატავდეს ევროკავშირის შეხედულებებს.
მასალა შექმნილია პროექტის „სამოქალაქო საზოგადოების გაძლიერება სოციალურ, ეკონომიკურ და პოლიტიკურ ცხოვრებაში თანაბარი და სრულყოფილი მონაწილეობისთვის“ ფარგლებში, განმახორციელებელი HEKS\EPER Georgia-ს მიერ რეგიონალურ პარტნიორ ორგანიზაციებთან, სამოქალაქო ინტეგრაციის ფონდი (CIF) – ქვემო ქართლი, სამოქალაქო საზოგადოების ფორმირების ხელშემწყობი ცენტრი (SCCSF) – სამცხე-ჯავახეთი, თანამშრომლობით.
