როგორც ამბობენ, ყოველი დასასრული ახალი დასაწყისია. ეს წელიც დასასრულს უახლოვდება.
ახალი წელი ჩვენთვის არა მხოლოდ ყველაზე საყვარელი და ყველაზე მოსალოდნელი დღესასწაულია, არამედ უძველესი დღესასწაულიც. მიუხედავად იმისა, რომ სხვადასხვა ერი მას სხვადასხვანაირად აღნიშნავს, საახალწლო გზავნილი ყველგან ერთი და იგივეა: ის ახალი წლის დაწყებას გვაუწყებს, ძველ წელს კი ყველაფერი არასასურველი და ცუდი მიაქვს.
წლის ბოლოსა და ახალი წლის დაწყების ამ დღეებში მიღებულია კეთილი სურვილების გაგზავნა. წელს Jnews-ი მუნიციპალიტეტის რიგითი მცხოვრებლების კეთილ სურვილებს წარმოგიდგენთ.
„2025 წელი იყოს სტაბილურობის, ახალი წარმატებებისა და მიღწევების წელი. ახალი წელი ყველა ჩვენგანისთვის არა მხოლოდ ყველაზე საყვარელი და ყველაზე მოსალოდნელი, არამედ ტრადიციული და ოჯახური დღესასწაულია. გისურვებთ მშვიდობას“, – საახალწლო მილოცვა ახალქალაქის მუნიციპალიტეტის მკვიდრმა გრიშა ვარდანიანმა ჩამოაყალიბა.
„წლის კარგად დაწყებას გისურვებთ, რადგან როგორც შეგხვდები, ისე გაატარებ. რისი გაკეთებაც ვერ მოასწარით 2024 წელს, 2025 წელს გააკეთეთ. ნუ მოიწყენთ. ცხოვრება გრძელდება, ყველაფერი წინ არის!“ – ამბობს ახალქალაქის მუნიციპალიტეტის მკვიდრი არმენ აპოიანი.
„2024 წელი მოვლენებით დატვირთული წელი იყო. წლის შეჯამებისას მნიშვნელოვანია, გადავხედოთ წარსულს, შევადაროთ თავი ჩვენს ყოფილ მე-ს და გავიაზროთ, რამდენად შევიცვალეთ და გავაუმჯობესეთ ჩვენი თავი. 2024 წელი რთული და სავსე წელი იყო ცხოვრების ყველა სფეროში, ამ წელმა ასევე ბევრი რამ გვასწავლა. მასწავლა მადლობელი ვიყო იმისთვის, რაც მაქვს და რაც არ მაქვს, დავაფასო სიმშვიდე და იმედი მქონდეს ყველაზე რთულ დროსაც კი. 2025 წელს მინდა ვუსურვო ადამიანებს, გახდნენ კეთილები, შეინარჩუნონ და დაიცვან ყველაზე ნათელი და კეთილი ადამიანური ფასეულობები გულებში“, – თქვა ვარდუი ოვსეფიანმა.
„დაე, 2025 წელი იყოს თქვენი ყველაზე სანუკვარი ოცნებების ასრულების დასაწყისი, თან მოიტანოს მრავალი ბედნიერი მომენტი, ნათელი შთაბეჭდილებები და ახალი შესაძლებლობები. გისურვებთ, რომ თქვენს სახლში იყოს სიხარული და სიცილი, თქვენს გულებში სითბო და სიმშვიდე, სიყვარული და სიკეთე. დარწმუნებული იყავით, რომ ეს ახალი წელი ღიმილის სულ მცირე 365 ახალ შესაძლებლობას და მიზეზს მოიტანს. გქონდეთ ზღაპარი საკუთარ თავში, ირწმუნეთ ღმერთის და სასწაულების და თქვენი ცხოვრება სასწაულად გადაიქცევა“, – ამბობს ახალქალაქის მუნიციპალიტეტის მკვიდრი ვარდუი კურგინიანი.
„2025 წელი იყოს ბედნიერების, ერთიანობის, ჯანმრთელობისა და მშვიდობის წელი. დაე, მშვიდობა სუფევდეს მსოფლიოში. განსაკუთრებულად ვულოცავ მესაზღვრეებს, სამხედროებს, მასწავლებლებს, ექიმებს, მთესავებს, ვინც მოსავალს და სიკეთეს ქმნის“, – ამგვარად გამოხატა საახალწლო სურვილები ახალქალაქის მუნიციპალიტეტის მკვიდრმა არტიომ კობელიანმა.
გევორგ ჯანოიან
