მერიის ადმინისტრაციასთან არსებული ჯანმრთელობისა და სოციალური დახმარების განყოფილების სოციალურ პაკეტში, რომელიც გარკვეული სოციალური სტატუსის მქონე პირებს ფინანსურ დახმარებას უწევს, 2025 წელს ცვლილებები შევა. გარკვეული შეღავათებისა და გადახდების ოდენობა იზრდება და პირველად, მუდმივი ბინადრობის ნებართვის მქონე სხვა ქვეყნების მოქალაქეები შეძლებენ ამ პაკეტით სარგებლობას.
ახალქალაქის მუნიციპალიტეტში რეგისტრირებული საქართველოს მოქალაქეების გარდა, ახალქალაქის მუნიციპალიტეტის მერიის სოციალური დახმარება 2025 წლიდან საქართველოში მუდმივი ბინადრობის ნებართვის მქონე, ახალქალაქში რეგისტრირებულ და აქ მცხოვრებ სხვა ქვეყნების მოქალაქეებსაც ექნებათ.
2025 წელს მერიის სოციალური დახმარების ზოგიერთ პუნქტში ცვლილებები შევიდა.
სამედიცინო მომსახურების დაფინანსებას დაემატა პუნქტი – 30%-ით დაფინანსდება 18 წლამდე ასაკის ბავშვების სამედიცინო კვლევის ხარჯები, მაგრამ არა უმეტეს 300 ლარის წელიწადში.
ონკოლოგიური დაავადებების მკურნალობის დაფინანსებაში წლიური დაფინანსება 1500-დან 2000 ლარამდე იზრდება.
თუკი ადამიანი დაავადებულია ონკოლოგიური დაავადებით, წამლების შესაძენად წელიწადში 1200 ლარის მიღება იქნება შესალებელი.
18 წლამდე ბავშვების მკურნალობის დაფინანსებაზე გათვალისწინებულია მკურნალობის თანხის 30%, მაგრამ არაუმეტეს 500 ლარისა.
ცვლილებები შევიდა ახალშობილთა ერთჯერად შეღავათშიც, გაიზარდა პირველი და მეორე ბავშვის დახმარწბა.
მშობლებს უფლება აქვთ 12 თვის განმავლობაში დაუკავშირდნენ მერიის სოციალურ სამსახურს ერთჯერადი დახმარების მისაღებად:
გარკვეული სოციალური სტატუსის მქონე სტუდენტს (ქვემოთ ჩამოთვლილი) შეუძლია მიიღოს სწავლის ღირებულების 50%, მაგრამ არაუმეტეს 1125 ლარისა, ორმხრივ ობლებს სწავლის 50% დაუფინანსდებათ, მაგრამ უკვე მაქსიმუმ 2000 ლარისა. სწავლა ფინანსდება არა მხოლოდ საქართველოს უმაღლეს სასწავლებლებში, არამედ სხვა ქვეყნებში.
ადგილობრივი ბიუჯეტიდან ფინანსდებიან შემდეგი სტუდენტები:
ცვლილებები შევიდა შეზღუდული შესაძლებლობის მქონე პირთა სოციალური შეღავათების პუნქტშიც
პირველი კატეგორიის შშმ პირები მერიისგან ერთჯერად 300 ლარს მიიღებენ.
პირველი და მეორე კატეგორიის პირები, რომლებსაც აქვთ მუდმივი სტატუსი და აქვთ მხედველობის პრობლემები, მოძრაობენ ინვალიდის ეტლში, საჭიროებენ სხვა ადამიანის მოვლას, აქვთ აუტიზმი, აქვთ დაუნის სინდრომი, აქვთ ეპილეფსია და ვისაც ბავშვობიდან მიენიჭა შეზღუდული შესაძლებლობის მქონე პირის სტატუსი ერთჯერადას 1500 ლარს მიიღებენ.
მუნიციპალიტეტი ასევე აფინანსებს ოფთალმოლოგიურ ინექციებს მხედველობის დეგენერაციის საწინააღმდეგოდ, ადრე ავასტინის ინექცია ფინანსდებოდა, ახლა ვიზკიუც დაფინანსდება, დაფინანსების საერთო თანხა 1200 ლარს შეადგენს.
