ახალქალაქის მუნიციპალიტეტის სოფლებში ერთ-ერთი ყველაზე აქტუალური პრობლემა, ქუჩის მისამართის პრობლემა – მოგვარების სტადიაზეა. ზოგიერთ სოფელში ქუჩები და სახლები უკვე დანომრილია.
ახალქალაქის მუნიციპალიტეტის სოფლებში ქუჩების მისამართების მინიჭების სამუშაოები ერთი წლის წინ დაიწყო, მათი დასრულება 2025 წელს იგეგმება. ის სახელმწიფო რეესტრის მიერ ტარდება. ქუჩები და სახლები პირობითად არის დანომრილი, მაგრამ მონიშვნები არ არსებობს.
როგორ გავარკვიოთ ჩვენი მისამართი?
1. შედით «Georgian Maps»-ში ან https://maps.gov.ge/ვებ-გვერდზე.
2. ძიების განყოფილებაში ქართულ ენაზე ჩაწერეთ თქვენი სახლის სახელი, მაგ. სოფელი ხანდო, და სოფელ ხანდოს რუკა გაიხსნება.
3. შემდეგ მარცხენა მხრიდან სიმბოლოებიდან კუბის ფორმის სიმბოლო აირჩიეთ, სიტყვა „სამისამართო“-ს დააჭირეთ და გაააქტიურეთ. რუკაზე სოფლების დანომრილი ქუჩები უკვე ასახული იქნება.
4. შემდეგ, დაბრუნდით რუკაზე, მარჯვენა მხარეს დააჭირეთ «+» ნიშანს, რუკის მასშტაბის გადიდებით დანომრილი სახლების ნახვას შეძლებთ.
რუკაზე საკუთარი სახლის პოვნის შემდეგ, შეგიძლიათ ნახოთ დანომრილია თუ არა. თუკი დანომრილია, ქუჩისა და სახლის ნომრის ნახვას შეძლებთ.
ზემოაღნიშნული მაგალითის მიხედვით ყველა სოფლის მცხოვრებს შეუძლია საკუთარი მისამართის შემოწმება.
ფენია თოროსიან
