
ახალქალაქის მუნიციპალიტეტის მერიამ 2024 წლის 1 იანვრიდან 9 დეკემბრის ჩათვლით 19 545 856,95 ლარის ღირებულების 115 ტენდერი გამოაცხადა. ამ ტენდერების დაახლოებით 27% არ შედგა ან შეწყდა.
2024 წელს ახალქალაქის მუნიციპალიტეტის მერიამ სამშენებლო-სამონტაჟო სამუშაოების შესყიდვაზე, „სოფლის მხარდაჭერის“ პროგრამის სამუშაოებზე, გზების რეაბილიტაციაზე, სატელეკომუნიკაციო მომსახურებასა და სხვა საჭიროებებზე ტენდერები ჩაატარა. მუნიციპალიტეტში ყველა შესყიდვა ხორციელდება სახელმწიფო შესყიდვების ვებგვერდის მეშვეობით.
115-დან 31 ტენდერი არ განხორციელებულა:
სამშენებლო სამუშაოების შესყიდვაზე ტენდერები ძირითადად მონაწილეთა არარსებობის გამო არ შედგა. ზუსტი მიზეზები, რის გამოც კომპანიები ან მომწოდებლები არ მონაწილეობენ ტენდერებში, უცნობია, მაგრამ ზოგიერთი ამას სამუშაოს მოცულობასა და შემოთავაზებულ თანხებს შორის შეუსაბამობას უკავშირებს.
ყველა ზემოთ ჩამოთვლილი ტენდერი , გარდა ერთისა, ხელახლა გამოცხადდა და ჩატარდა. თავისუფლების ქუჩაზე სამსართულიანი შენობის ფასადის რეაბილიტაციის ტენდერი 4-ჯერ გამოცხადდა, მაგრამ მაინც ვერ შედგა. ოთხივე ჯერზე სატენდერო წინადადების საწყისი თანხა 248 897 ლარი იყო.
სოფელ კოთელიაში მემორიალის რეაბილიტაციაზე ტენდერი უკვე მეორედ გაიმართა, 21 835 ლარის ოდენობით. ჩარენცის ქუჩაზე, ახალქალაქის №3 საბავშვო ბაღის მახლობლად სკვერის რეაბილიტაციის შესყიდვა მეორე ჯერიდან შედგა, 262 120 ლარის ოდენობით. “სოფლის მხარდაჭერის” პროგრამის ფარგლებში სამშენებლო სამუშაოები რამდენჯერმე გამოცხადდა. ზოგიერთი ადგილობრივი ბიუჯეტიდან სახსრების დამატების შემდეგ ჩატარდა. მაგალითად, სოფელ აბულის სასმელი წყლის მომარაგების გაუმჯობესების მიზნით, აფნია-გოგაშენის წყალსაცავის მშენებლობისთვის, სოფელ სამსარისთვის გამოცხადდა ერთი შესყიდვა 51 550 ლარის ოდენობით. ტენდერი მესამე ჯერზე შედგა, როცა სამუშაოები ცალ-ცალკე გამოცხადდა (ორი სამუშაო ერთად, ერთი – ცალკე) და ამ სამუშაოებს ადგილობრივი ბიუჯეტიდან სახსრები დაემატა.
მუნიციპალიტეტის მერიის მიერ 2024 წელს გამოცხადებული ყველაზე დიდი ოდენობის ტენდერები ქალაქსა და სოფლებში გზების მოასფალტების სამუშაოებია. ეს ტენდერები ძირითადად კომპანია “ჯავახავო გზამ” მოიგო. აღვნიშნავთ, რომ ტენდერებში, სადაც ამ კომპანიამ გაიმარჯვა, სხვა მონაწილე არ ყოფილა.
ესენია:
ქალაქის გზებისა და მრავასართულიანი სახლებუს ეზოების რეაბილიტაცია – 1 132 733 ლარი;
კარტიკამი-აბულის გზის რეაბილიტაცია – 1 217 750 ლარი;
სოფელ ხანდოს შემოვლითი გზის რეაბილიტაცია – 2 292 235 ლარი;
სოფელ მერენიას გზის რეაბილიტაცია – 1 786 562.
№15 სამხედრო ქალაქში 1 138 507 ლარის ოდენობით სკვერის მშენებლობა შპს “№2 საგზაო სამშენებლო კომპანიამ” მოიგო.
სახელმწიფო შესყიდვების ელექტრონული სისტემა საქართველოში 2010 წელს დაინერგა.