დღეს, 8 დეკემბერს, პროტესტის დროს დაზარალებული ჟურნალისტებისა და აქტივისტების მხარდამჭერი სოლიდარობის აქცია გაიმართა ახალქალაქში.
დაშავებული ჟურნალისტების სოლიდარობის აქციის შესახებ დღეს დილით Jnews-ის ჟურნალისტებმა გამოაცხადეს. აქციის დროს მათ 2 მონაწილე შეუერთდა: არასამთავრობო სექტორის წარმომადგენელი და სამოქალაქო აქტივისტი.
აქცია გაიმართა ლოზუნგით: „ჟურნალისტები არ არიან სამიზნე. თავისუფლება ძალადობისა და აგრესიის გარეშე“. აქციის მონაწილეებს ასევე ეჭირათ პლაკატები წარწერებით: „სოლიდარობა დაშავებულ ჟურნალისტებს“, „არა ძალადობას, სიძულვილს და ტერორს“, „სიტყვის თავისუფლება არ უნდა იყოს სისხლიანი“, „მე ჟურნალისტი ვარ და უსაფრთხოებაში მინდა მუშაობა”. პლაკატები სომხურ, ქართულ და რუსულ ენებზე იყო.
ჟურნალისტებს და უბრალო აქტიურ მოსახლეობას საპროტესტო აქციაზე გამოსვლა ჟურნალისტების მიმართ არაადამიანურმა, სასტიკმა მოპყრობამ აიძულა, რომლებიც თბილისში სამოქალაქო საპროტესტო აქციებს აშუქებენ. ახალქალაქიდან საპროტესტო აქციის მონაწილეები ხელისუფლებისგან პროფესიული მოვალეობის შესასრულებლად უსაფრთხო პირობებს, ყველა მოქალაქის უსაფრთხოებას ითხოვენ.
საპროტესტო აქციის 10 დღის განმავლობაში 50 ჟურნალისტი და მედიის თანამშრომელი დაშავდა.
Jnews-ი სოლიდარობას უცხადებს “ტვ პირველის” გადამღებ ჯგუფს და ძალადობისგან დაზარალებულ ყველა კოლეგას.
