ახალქალაქის არასამთავრობო ორგანიზაციები შეშფოთებულნი არიან თბილისში მიმდინარე საპროტესტო აქციებში გაბატონებული ძალადობით, ასევე „ქართული ოცნების“ გადაწყვეტილებით, შეაჩეროს ქვეყნის ევროინტეგრაციის პროცესი და მიიჩნიეს, რომ ეს მკვეთრი დარტყმაა ქვეყნის ეთნიკური უმცირესობების, განსაკუთრებით ჯავახეთის სომხების ინტეგრაციის პრობლემაზე. ამის შესახებ ორგანიზაციების მიერ გავრცელებულ განცხადებაშია ნათქვამი.
განცხადებაში კონკრეტულად ნათქვამია:
“ჩვენ, ახალქალაქის საზოგადოებრივი ორგანიზაციები, გვსურს ჩვენს შეშფოთების გახატვა საქართველოში არსებული ვითარების გამო.
პირველ რიგში, მიუღებლად მიგვაჩნია ის, რაც ბოლო 6 დღის განმავლობაში ხდება თბილისში საპროტესტო აქციების დროს. ძალადობა და სიძულვილი, როგორც იმართება აქციები, არ უნდა იყოს ერთი ერის, ერთი ქვეყნის ადამიანებს შორის, იმ ადამიანებს შორის, რომლებიც დღეს საქართველოსთვის, თავიანთი შვილების მომავალს აშენებენ.
მოვუწოდებთ მხარეებს, პატივი სცენ საქართველოს მოქალაქეების მშვიდობიან აქციებში მონაწილეობის უფლებას და თავი შეიკავონ ძალადობისგან, პროვოკაციებისა და არაპროპორციული ძალის გამოყენებისგან.
ასევე შეშფოთებულები ვართ „ქართული ოცნების” გადაწყვეტილებით ქვეყნის ევროინტეგრაციის პროცესის შეჩერების გამო, ქვეყნის დამოუკიდებლობა მთელი ისტორიის განმავლობაში მოსახლეობისა და ხელისუფლების კონსტიტუციურად დადასტურებული სწრაფვაა.
გარდა ამისა, ვხედავთ საფრთხეს ქვეყნის განვითარების პროცესში, გვსურს გამოვხატოთ ჩვენი შეშფოთება ქვეყნის საზოგადოებრივ-პოლიტიკურ ცხოვრებაში ეთნიკური უმცირესობების ინტეგრაციის პროცესის საფრთხის შესახებ. ეთნიკური უმცირესობების ინტეგრაციის პროცესი, რომელიც დაახლოებით 20 წლის წინ დაიწყო და მხოლოდ ახლა იკიდებს ფეხს, პირდაპირ საფრთხის ქვეშ აღმოჩნდა, რადგან ინტეგრაციის პროცესი მიმდინარეობდა ქვეყნის დემოკრატიული განვითარების ფარგლებში, რომელიც თავის მხრივ ევროინტეგრაციის პროცესებში ხორციელდებოდა.
სამცხე-ჯავახეთის ეთნიკური უმცირესობები ყოველთვის იყვნენ გამოყოფილნი ქვეყნის ზოგადი საზოგადოებრივ-პოლიტიკური ცხოვრებისგან, ხოლო ევროინტეგრაციაზე უარის თქმა და ქვეყნის დემოკრატიული განვითარების გრანტებისა და დაფინანსების შეწყვეტა უკან დააბრუნებს იმ მცირე პროგრესს, რომელიც ეთნიკური უმცირესობების ინტეგრაციის საკითხში ორი ათწლეულის განმავლობაში დიდი შრომით იქნა მიღწეული და შეაჩერებს შემდგომი ინტეგრაციის პერსპექტივას”.
განცხადებას ხელს აწერენ შემდეგი ორგანიზაციები:
• სამოქალაქო განვითარების ასოციაცია “მომავლის კორპუსი”
• ადგილობრივი განვითარების ჯგუფი – LAG ახალქალაქი
• სამცხე-ჯავახეთის ქალები მშვიდობიანი საქართველოსთვის
• წინ ახალი შესაძლებლობებისკენ
• ღია საზღვრები
• ჯავახეთის საინფორმაციო ცენტრი (მედია)
• ახალქალაქის ბიზნეს ცენტრი
• ზრდასრულთა განათლების ცენტრი
