ახალქალაქის მუნიციპალიტეტის სოფელ კორხში საბავშვო ბაღის მშენებლობისთვის ადგილობრივი ბიუჯეტიდან 785 178 ლარი გამოიყო. შენობა არის, მშენებელმა საბავშვო ბაღად უნდა გადააკეთოს. სამუშაოებზე ტენდერი უკვე გამოცხადებულია, სამუშაოები 2025 წლის 15 აპრილს დაიწყება.
ტენდერი 2024 წლის 11 ნოემბერს გამოცხადდა და წინადადებების მიღების ბოლო ვადაა 18 დეკემბერი. სამუშაოს შესრულების ვადა არის ხელშეკრულების გაფორმების დღიდან 200 დღე. საბავშვო ბაღისთვის განკუთვნილი შენობა სოფლის ქველმოქმედებებმა შეისყიდეს და მუნიციპალიტეტს იქ საბავშვო ბაღის გასახსნელად გადასცეს.
სამუშაოებზე ტექნიკურ ზედამხედველობას შპს „ქრიზოლიტი+“ და ადგილობრივი ხელისუფლება განახორციელებს.
აღსანიშნავია, რომ 2024 წელს ახალქალაქის №3 საბავშვო ბაღში სოფელ კორხიდან 14 ბავშვი დადიოდა. მოსალოდნელია, რომ სოფელ კორხის საბავშვო ბაღში მეზობელი სოფელ თოთხამისა და მაჯადიას ბავშვებმაც იარონ.
