ახალქალაქის მუნიციპალიტეტის საკრებულოს დეპუტატებმა ექვსი ინფრასტრუქტურული პროექტი დაამტკიცეს, რომელთა განხორციელება 2024-2027 წლებში იგეგმება. ამ პროექტებიდან 5 პროექტი 10 მილიონ ლარზე მეტი ღირებულების 13 008 კმ სიგრძის სოფლის გზების რეაბილიტაციას ეხება. ერთ-ერთი პროექტი 200 000 ლარის ღირებულების 4646 მ სიგრძის სარწყავი სისტემის მშენებლობაა.
ამ ინფრასტრუქტურული სამუშაოების პროექტები მზად არის და ფინანსების არსებობის შემთხვევაში მუნიციპალიტეტი მათ განხორციელებას დაიწყებს.
ახალქალაქის მუნიციპალიტეტმა შემდეგი სამუშაოების პროექტები მოამზადა:
1. სოფელ ოლავერდის გზის რეაბილიტაცია – სიგრძე 3,413 კმ, თანხა 2 276 822 ლარი;
2. სოფელ ღადოლარის გზის რეაბილოტაცია – სიგრძე 1,990 კმ, თანხა 1 611 121 ლარი;
3. სოფელ ტურცხის გზის რეაბილიტაცია – სიგრძე 1, 755 კმ, თანხა 1 298 781 ლარი;
4. გომანი-ბალხო-ბუღაშენის გზის რეაბილიტაცია – 3,660 კმ, თანხა 3 037 388 ლარი;
5. აფნია-გოგაშენის გზის რეაბილიტაცია – 2, 271 კმ, თანხა 1 798 235 ლარი;
6. სოფელ ალათუმანში 4.646 კმ სიგრძის წყალკანალის მშენებლობა, პროექტის თანხა 208 068 ლარი.
აღნიშნული პროექტები სამი წლის განმავლობაში განხორციელდება. ახალქალაქის მუნიციპალიტეტის მერიის ინფრასტრუქტურის, არქიტექტურისა და სამშენებლო სამსახურის უფროსის, არა მოვსისიანის თქმით, ამ პროექტების განხორციელების შემდეგ მუნიციპალიტეტს მხოლოდ სოფლის გზების 3-4 მონაკვეთის რეაბილიტაცია მოუწევს. ეს არის სოფელ ფილიპოვკას, აზმანას, თახჩას გზები. ამ გზების რეაბილიტაციის შემდეგ კი მუნიციპალიტეტი შეძლებს ინტენსიურად ჩაერთოს შიდა სასოფლო გზების მოასფალტებაზე.
