29 ნოემბერს, ახალქალაქის მუნიციპალიტეტის საკრებულოში ბიუროსა და რაიონის საკრებულოს სხდომა გაიმართა, სადაც 2024 წლის მუნიციპალიტეტის ბიუჯეტში 1 115 560 ლარის ოდენობით ცვლილება შევიდა, საიდანაც 670 000 ლარი – შემოსავლები, 445 560 ლარი – ტენდერებიდან დანაზოგი.

დეპუტატები ახალქალაქის მუნიციპალიტეტის საკრებულოს სხდომაზე შეთანხმდნენ, რომ 1 115 560 ლარს სხვადასხვა ინფრასტრუქტურული სამუშაოებისთვის, ანაზღაურებისთვის, მრავალშვილიანი ოჯახებისთვის შეღავათების გადასახდელად და ა.შ გამოიყენებენ.

ტენდერებში დაზოგილი თანხები ქალაქსა და სოფლებში 23 სამუშაოს შესრულებას მოხმარდება.

ამ სამუშაოებს შორის:

  • სოფლებისთვის სპორტული ინვენტარის შეძენისათვის – 14 965 ლარი;
  • მრავალსართულიანი კორპუსების სახუარების რეაბილიტაციისთვის – 37 748 ლარი;
  • №3 საბავშვო ბაღთან პარკის მშენებლობა – 21 121 ლარი;
  • შოთა რუსთაველის პარკის კეთილმოწყობა – 1103 ლარი;
  • სოფელ ბარალეთის კულტურის სახლის რეაბილიტაცია – 29 955 ლარი;
  • სოფელ ალათუმანში, დიდ სამსარში, ტურცხში, ბეჟანოში, ოლავერდში ფეხბურთის მოედნების რეაბილიტაცია – შესაბამისად 3997 ლარი, 6190 ლარი, 8619 ლარი, 5202 ლარი, 6430 ლარი;
  • ახალქალაქის სპორტული სკოლის რეაბილიტაციისთვის – 6581 ლარი;
  • სპორტკომპლექსის რეაბილოტაციისთვის – 37 653 ლარი;
  • მალხასიანის ქუჩაზე ფეხბურთის მოედნის რეაბილოტაცია – 21567 ლარი;
  • 57000 ლარი გამოყოფილია სოციალური დახმარების პროგრამებისთვის;
  • “ტაო” რაგბის სამცხე-ჯავახეთის კლუბისთვის – 20000 ლარი.

დეპუტატებმა 2024 წლის ბიუჯეტის ცვლილებები დაამტკიცეს.